ഈരാറ്റുപേട്ട: ഈരാറ്റുപേട്ട-പാലാ റോഡില്‍ പനക്കപ്പാലത്തിനടുത്ത് പിക്അപ് മിനി ലോറി സ്കൂട്ടറിൽ ഇടിച്ചുണ്ടായ അപകടത്തിൽ ഒരാൾകൂടി മരിച്ചു. ഇതോടെ അപകടത്തിൽ മരണസംഖ്യ രണ്ടായി. ചികിത്സയിലിരുന്ന പാലാ ഇളന്തോട്ടം മൂന്നുതൊട്ടിയില്‍ ജിബിന്‍ രാജുവാണ് (30) മരിച്ചത്. ഞായറാഴ്ച രാത്രി 12ഓടെയാണ് മരിച്ചത്. നേരത്തേ അപകടത്തില്‍ പാറയില്‍ അജിത് ജേക്കബ് (28) മരിച്ചിരുന്നു. ഇൗമാസം ഏഴിന് വിവാഹം നടക്കാനിരിക്കെയാണ് അജിത്തിെൻറ മരണം. ശനിയാഴ്ച വൈകീട്ട് 8.15 ഓടെയായിരുന്നു നാടിനെ കണ്ണീരിലാഴ്ത്തിയ സംഭവം. അപകടത്തിൽ ഗുരുതര പരിക്കേറ്റ സുഹൃത്തുക്കളായ ഇരുവരും പാലായിലെ സ്വകാര്യ ആശുപത്രിയിൽ ചികിത്സയിലായിരുന്നു.
കോട്ടയം മെഡിക്കൽ കോളജ് ആശുപത്രിയിൽ പോസ്റ്റ്േമാർട്ടത്തിനുശേഷം അജിത്തിെൻറ മൃതദേഹം അരുവിത്തുറ പള്ളി സെമിത്തേരിയിലും ജിബിേൻറത് ഇളന്തോട്ടം പള്ളി സെമിത്തേരിയിലും സംസ്കരിച്ചു.
