നെടുങ്കണ്ടം: കേരളത്തിലെ തോട്ടങ്ങളിലേക്ക് തൊഴിലാളികളുമായി വന്ന ജീപ്പ്്് നിയന്ത്രണം വിട്ട് മറിഞ്ഞ് ൈഡ്രവർ മരിച്ചു. കോമ്പൈ സ്വദേശി നദിയഴകനാണ് (38) മരിച്ചത്. ചൊവ്വാഴ്ച രാവിലെ കമ്പംമെട്ടിന് സമീപത്ത്് വാഹനം നിയന്ത്രണം വിട്ട് തിട്ടയിലിടിച്ച്്് റോഡിൽ മറിയുകയായിരുന്നു.ൈഡ്രവർക്ക് ദേഹാസ്വാസ്ഥ്യം ഉണ്ടായതിനെത്തുടർന്ന് വാഹനത്തിെൻറ നിയന്ത്രണം നഷ്ടപ്പെടുകയായിരുെന്നന്ന് പറയുന്നു. മറിഞ്ഞ വാഹനത്തിൽനിന്ന് ൈഡ്രവറെ തോട്ടം തൊഴിലാളികൾ പുറത്തെടുത്ത് മറ്റൊരു വാഹനത്തിൽ കമ്പത്തെ ആശുപത്രിയിലേക്ക് കൊണ്ടുപോയി. മാർഗമധ്യേ മരിച്ചെന്ന് കമ്പംമെട്ട് പൊലീസ് അറിയിച്ചു. ജീപ്പിലുണ്ടായിരുന്ന തൊഴിലാളികൾക്ക് ചെറിയ പരിക്കുണ്ട്.
തൊഴിലാളികളുമായി കമ്പത്തുനിന്ന് വാഹനം പുറപ്പെട്ട സമയം മുതൽ ൈഡ്രവർ നദിയഴകന് ദേഹാസ്വാസ്ഥ്യം അനുഭവപ്പെട്ടിരുന്നതായാണ് ജീപ്പിലുണ്ടായിരുന്ന തൊഴിലാളികളിൽനിന്ന് പൊലീസിന് ലഭിച്ച വിവരം. കമ്പംമെട്ട് പൊലീസ് കേസെടുത്ത് അന്വേഷണം ആരംഭിച്ചു.
