പാലാ: കുടുംബ കോടതി ജഡ്ജി സുരേഷ് കുമാർ പോൾ (59) ഹൃദയാഘാതത്തെ തുടർന്ന് നിര്യാതനായി. ഞായറാഴ്ച ഉച്ചക്ക് ശാരീരിക അസ്വസ്ഥതകൾ നേരിട്ട ഇദ്ദേഹത്തെ പാലാ ചേർപ്പുങ്കലിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കോഴിക്കോട് സ്വദേശിയായ ഇദ്ദേഹം രണ്ടു വർഷമായി പാലായിൽ സേവനം ചെയ്യുകയായിരുന്നു. മൃതദേഹം ഞായറാഴ്ച വൈകീട്ട് പാലാ കോടതിവളപ്പിൽ പൊതുദർശനത്തിന് വെച്ചു. സംസ്കാരം തിങ്കളാഴ്ച മൂന്നിന് കോഴിക്കോട് സി.എസ്.ഐ ഹെർമൻ ഗുണ്ടർട്ട് മെമ്മോറിയൽ പള്ളി സെമിത്തേരിയിൽ. ഭാര്യ: ഡാർലി സുരേഷ് (റിട്ട. പ്രിൻസിപ്പൽ, പരപ്പനങ്ങാടി ഹയർ സെക്കൻഡറി സ്കൂൾ). മക്കൾ: മെർവിൻ പോൾ, പരേതനായ മെറോൻ പോൾ. മരുമകൾ: കെ.വി. ജിനി.