ചങ്ങനാശ്ശേരി: ബൈക്കും ആക്ടീവയും കൂട്ടിയിടിച്ച അപകടത്തിൽ ബൈക്ക് യാത്രികനായ ഗൃഹനാഥൻ മരിച്ചു. ഏനാച്ചിറ പാറച്ചിറ വീട്ടിൽ പരേതനായ ശ്രീധരെൻറ മകൻ മനോജ് ശ്രീധറാണ് (49) മരിച്ചത്. ചെത്തിപ്പുഴ- മാളികക്കടവ് റോഡിൽ ഏനാചിറ കുരിശ്ശടിക്ക് സമീപം ഞായറാഴ്ച ഉച്ചക്ക് ഒന്നോടെയായിരുന്നു അപകടം.
കുരിശുമൂട് ഭാഗത്തുനിന്നും ഏനാചിറയിലേക്ക് വരികയായിരുന്ന മനോജിെൻറ ബൈക്കും എതിർദിശയിൽ എത്തിയ ആക്ടീവയുമാണ് കൂട്ടിയിടിച്ചത്. റോഡരികിൽ കിടന്ന ടാറിങ് മിക്സിങ് വാഹനം മൂലം പരസ്പരം കാഴ്ച മറഞ്ഞതാണ് അപകടത്തിന് കാരണം. ഇടിയുടെ ആഘാതത്തിൽ തെറിച്ചുവീണ് ഗുരുതരമായി പരിക്കേറ്റ മനോജിനെ ചെത്തിപ്പുഴയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രാത്രി എട്ടരയോടെ മരിക്കുകയായിരുന്നു. ചങ്ങനാശ്ശേരി പൊലീസ് മേൽനടപടി സ്വീകരിച്ചു. ചെത്തിപ്പുഴയിലെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം കോവിഡ് പരിശോധന നടത്തി.
ഫലം നെഗറ്റീവ് ആയതിനാൽ ചൊവ്വാഴ്ച കോട്ടയം മെഡിക്കൽ കോളജ് ആശുപത്രിയിൽ പോസ്റ്റുമോർട്ടത്തിനുശേഷം മൃതദേഹം വീട്ടിലെത്തിക്കും. സംസ്കാരം വൈകീട്ട് മൂന്നിന് വീട്ടുവളപ്പിൽ. മാതാവ്: മീനാക്ഷി. ഭാര്യ: മായ. മക്കൾ: സജ്ന, സഞ്ജയ്.