ആത്മഹത്യക്കുറിപ്പ് അയച്ച് ആറ്റിൽ ചാടിയ
യുവാവിെൻറ മൃതദേഹം കണ്ടെത്തിമൃതദേഹം കണ്ടെത്തിയതിനു പിന്നാെല ഭാര്യക്ക് തപാലിൽ അയച്ച ആത്മഹത്യക്കുറിപ്പ് വീട്ടിൽ ലഭിച്ചു
ഏറ്റുമാനൂര്: കോട്ടയം നാഗമ്പടത്തുനിന്ന് മീനച്ചിലാറ്റില് ചാടിയ ഏറ്റുമാനൂര് സ്വദേശിയായ യുവാവിെൻറ മൃതദേഹം കണ്ടുകിട്ടി. ഏറ്റുമാനൂര് കൊച്ചുപുരയ്ക്കല് പരേതനായ വേലപ്പന് ആചാരിയുടെയും രാജമ്മയുടെയും മകന് സന്തോഷ് കുമാറാണ് (രാജേഷ് -41) മരിച്ചത്. ശനിയാഴ്ച രാവിലെ 8.45ഓെടയാണ് സന്തോഷിനെ കാണാതായത്. തിങ്കളാഴ്ച രാവിലെ താഴത്തങ്ങാടി ഭാഗത്താണ് മൃതദേഹം കണ്ടത്. ഹോട്ടൽ ബിസിനസ് നടത്തിയിരുന്ന സന്തോഷ് ഏതാനും നാളുകളായി അസുഖബാധിതനായിരുന്നു. പരിശോധനക്കെന്ന് പറഞ്ഞ് ശനിയാഴ്ച രാവിലെ കോട്ടയം ഭാരത് ആശുപത്രിയിലേക്ക് പോയതാണ്. വടവാതൂര് ഇ.എസ്.ഐ ആശുപത്രിയിലെ ഡോക്ടറുടെ നിർദേശപ്രകാരം സ്കാനിങ്ങിന് ബുക്ക് ചെയ്യാനാണ് സന്തോഷ് വീട്ടില്നിന്ന് ഇറങ്ങിയതെന്ന് ബന്ധുക്കള് പറഞ്ഞു. എന്നാല്, ഇദ്ദേഹം ആശുപത്രിയില് എത്തിയിരുന്നില്ല. കാണാതായ ദിവസം ഏറ്റുമാനൂര് പോസ്റ്റ് ഓഫിസില്നിന്ന് ഭാര്യയുടെ പേരില് പോസ്റ്റ് ചെയ്ത ആത്മഹത്യക്കുറിപ്പ് തിങ്കളാഴ്ച തപാലില് വീട്ടിൽ ലഭിച്ചു. മൃതദേഹം രാവിലെ കണ്ടെത്തിയതിനു പിന്നാലെയാണ് പോസ്റ്റ് മാന് കത്ത് വീട്ടില് എത്തിച്ചത്. തനിക്ക് അർബുദം ആണെന്ന് സംശയിക്കുന്നതായും ഇനി ജീവിച്ചിരിക്കുന്നില്ലെന്നും കത്തിൽ സൂചിപ്പിച്ചിട്ടുണ്ട്. ഭാര്യ: ളാക്കാട്ടൂര് കണ്ണാടിപ്പാറയില് കുടുംബാംഗം കെ.സി. രാജി. മകന്: ജിഷ്ണുജിത്ത് (അതിരമ്പുഴ സെൻറ് അലോഷ്യസ് സ്കൂള് വിദ്യാര്ഥി). മൃതദേഹം കോട്ടയം മെഡിക്കല് കോളജ് ആശുപത്രി മോര്ച്ചറിയില്. കോവിഡ് പരിശോധനക്കും പോസ്റ്റ്മോര്ട്ടത്തിനും ശേഷം സംസ്കാരം ഏറ്റുമാനൂര് തമിഴ് വിശ്വകര്മസമാജം ശ്മശാനത്തില് നടത്തും.