ഉഴവൂർ: വെളിയന്നൂർ-കൂത്താട്ടുകുളം റോഡിൽ പടിഞ്ഞാറ്റേ പീടിക ജങ്ഷന് സമീപം നിയന്ത്രണം വിട്ട ഓട്ടോറിക്ഷ മറിഞ്ഞ് വനിതാ ഡ്രൈവർ മരിച്ചു. ഉഴവൂർ കരുനച്ചി ശങ്കരാശ്ശേരിൽ സോമെൻറ ഭാര്യ വിജയമ്മയാണ് (54) മരിച്ചത്. ചൊവ്വാഴ്ച രാവിലെ 7.30ഓടെ അന്തർ സംസ്ഥാന തൊഴിലാളികളുമായി ഓട്ടം പോകുന്നതിനിടെ വെളിയന്നൂർ പടിഞ്ഞാറ്റേ പീടിക ഭാഗത്ത് നായ് കുറുകെ ചാടിയതിനെത്തുടർന്ന് ഓട്ടോറിക്ഷ വെട്ടിക്കുന്നതിനിെട നിയന്ത്രണംവിട്ട് മറിയുകയായിരുന്നു. മക്കൾ: ശ്രുതി, ശ്രീക്കുട്ടി. മരുമക്കൾ: സന്ദനു, സന്തോഷ്. സംസ്കാരം ബുധനാഴ്ച വീട്ടുവളപ്പിൽ.
