കാഞ്ഞിരപ്പള്ളി: ഓൾ ഇന്ത്യാ കോൺഗ്രസ് കമ്മിറ്റി (എ.ഐ.സി.സി) മുൻ അംഗവും പ്രമുഖ ട്രേഡ് യൂനിയൻ നേതാവുമായിരുന്ന പാറത്തോട് കുമ്മണ്ണൂപറമ്പിൽ (പുൽപ്പേൽ) കെ.എസ്. സെബാസ്റ്റ്യൻ (പാറത്തോട് ജോയി-80) നിര്യാതനായി. കോൺഗ്രസ്-എസിലൂടെ പൊതുപ്രവർത്തന രംഗത്ത് വന്ന സെബാസ്റ്റ്യൻ കോട്ടയം ഡി.സി.സി-എസ് പ്രസിഡൻറ്, ജനറൽ സെക്രട്ടറി എന്നീ നിലകളിൽ പ്രവർത്തിച്ചു. 1987ൽ പാലായിൽ ഇടത് സ്ഥാനാർഥിയായി കെ.എം. മാണിക്കെതിരെ മത്സരിച്ച് 10,545 വോട്ടിന് പരാജയപ്പെട്ടു. പിന്നീട് കോൺഗ്രസ്-ഐയിലെത്തി ഡി.സി.സി ജനറൽ സെക്രട്ടറി, എ.ഐ.സി.സി അംഗം നിലകളിൽ പ്രവർത്തിച്ചു. നിലവിൽ ഡി.സി.സി അംഗമാണ്. കേരള പ്ലാേൻറഷൻ ലേബർ കോൺഗ്രസ്-ഐ.എൻ.ടി.യു.സി സ്ഥാപക പ്രസിഡൻറായിരുന്നു. ഭാര്യ: ചേർപ്പുങ്കൽ താമരശ്ശേരി കുടുംബാംഗം വത്സമ്മ. മക്കൾ: സിൽജി, സെൻജി, സിന്ധു. മരുമക്കൾ: ബിജോയ് കട്ടപ്പന, ബിബി ഇളങ്ങുളം, ജോസഫ് മുണ്ടക്കയം. സംസ്കാരം വ്യാഴാഴ്ച 11.30ന് പൊടിമറ്റം സെൻറ് മേരീസ് പള്ളി സെമിത്തേരിയിൽ.