കൽപറ്റ: േകാഫി ബോർഡിൽ ലെയ്സൺ ഓഫിസറായിരുന്ന അബ്ദുല്ല കല്ലേങ്കാടൻ (കോഫി അബ്ദുല്ല -68) നിര്യാതനായി. കൽപറ്റ കോസ്മോ പൊളിറ്റൻ ക്ലബ് പ്രസിഡൻറ്, വയനാട് അഗ്രി ഹോർട്ടി കൾച്ചറൽ സൊസൈറ്റി സെക്രട്ടറി, എസ്.പി.സി പ്രസിഡൻറ്, കേരള ബിൽഡിങ് ഓണേഴ്സ് അസോസിയേഷൻ ജില്ല പ്രസിഡൻറ്, ആൽക്കഹോളിക് അനോനിമസ് (എ.എ) പ്രസിഡൻറ് തുടങ്ങിയ നിലകളിൽ പ്രവർത്തിച്ചു. വയനാട് പുഷ്പമേളയുടെ മുഖ്യ സംഘാടകനായിരുന്നു. ഭാര്യ: മൈമൂന. മക്കൾ: അമൈലാൽ, സജ്ന. മരുമക്കൾ: ബഷീർ (ബഹ്റൈൻ). ഖബറടക്കം ഞായറാഴ്ച രാവിലെ 10ന് കൽപറ്റ വലിയ പള്ളി ഖബർസ്ഥാനിൽ.
