പാമ്പാടി: പാമ്പാടി ഗ്രാമ പഞ്ചായത്ത് മുൻ പ്രസിഡൻറ് അന്നമ്മ ചെറിയാൻ (72) നിര്യാതയായി. ഹൃദയ സംബന്ധമായ അസുഖത്തെ തുടർന്ന് എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. 25 വർഷം തുടർച്ചയായി ജന പ്രതിനിധിയായിരുന്നു. കോൺഗ്രസ് പ്രതിനിധിയായി നാല് പ്രാവശ്യം പാമ്പാടി പഞ്ചായത്തിലേക്കും ഒരുതവണ ബ്ലോക്ക് പഞ്ചായത്തിലേക്കും തെരഞ്ഞെടുക്കപ്പെട്ടിരുന്നു. അംഗൻവാടി സ്റ്റാഫ് അസോസിയേഷെൻറ സ്ഥാപക നേതാക്കളിലൊരാളും ദീർഘകാലം ഭാരവാഹിയുമായിരുന്നു. ഭർത്താവ്: ചക്കാലയിൽ പരേതനായ ചെറിയാൻ. മകൾ: ബിനീറ്റ ചെറിയാൻ.