പട്ടാമ്പി: അംഗ പരിമിതനായ ബിരുദ വിദ്യാർഥി ക്ഷേത്രക്കുളത്തിൽ മുങ്ങി മരിച്ചു. മുതുതല ആണ്ടാത്ത് അത്തിക്കപ്പറമ്പിൽ ലാലുദാസാണ് (20) ഞായറാഴ്ച രാത്രി ഏഴരയോടെ മുതുതല ഗണപതി ക്ഷേത്രക്കുളത്തിൽ മുങ്ങി മരിച്ചത്. പട്ടാമ്പി ഗവ. സംസ്കൃത കോളജിലെ സാമ്പത്തിക ശാസ്ത്രം അവസാന വർഷ ബിരുദ വിദ്യാർഥിയായിരുന്നു. കുളക്കടവിൽ ചെരിപ്പും ഫോണും കണ്ടതിനെ തുടർന്ന് കുളത്തിൽ നാട്ടുകാർ തിരച്ചിൽ നടത്തിയപ്പോഴാണ് ലാലുദാസ് മുങ്ങി കിടക്കുന്നത് കണ്ടത്. തുടർന്ന് പട്ടാമ്പിയിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം പട്ടാമ്പി താലൂക്ക് ആശുപത്രി മോർച്ചറിയിൽ. പിതാവ്: കൃഷ്ണദാസ്. മാതാവ്: കല്യാണി. സഹോദരൻ: വിഷ്ണുദാസ്.
