കുമളി: സർവിസിൽനിന്ന് വിരമിച്ച പൊലീസ് ഉദ്യോഗസ്ഥനെ വീട്ടിനുള്ളിൽ മരിച്ചനിലയിൽ കണ്ടെത്തി. കുമളി തേക്കടിക്കവല സ്വദേശി തോമസ് ജോസഫാണ് (60) മരിച്ചത്. അവിവാഹിതനാണ്. കുമളി അമരാവതി എ.കെ.ജി പടിക്ക് സമീപം വാടകവീട്ടിൽ ഒറ്റക്കായിരുന്നു താമസം. തിങ്കളാഴ്ച ഉച്ചയായിട്ടും വീടിന് പുറത്ത് കാണാത്തതിനെത്തുടർന്ന് അന്വേഷിച്ചെത്തിയവരാണ് മൃതദേഹം കണ്ടത്. കുമളി പൊലീസ് നടപടി സ്വീകരിച്ചു. മൃതദേഹം പോസ്റ്റ്മോർട്ടത്തിന് ഇടുക്കി മെഡിക്കൽ കോളജ് ആശുപത്രിയിലേക്ക് കൊണ്ടുപോയി.
