പത്തിരിപ്പാല: വയോധികയെ വീട്ടിന് മുന്നിലെ കിണറിൽ മരിച്ച നിലയിൽ കണ്ടെത്തി. മണ്ണൂർ പറയംങ്കാട്ടിൽ പരേതനായ വെള്ളയുടെ ഭാര്യ മാളു (79) ആണ് മരിച്ചത്. വെള്ളിയാഴ്ച രാവിലെയാണ് മൃതദേഹം കണ്ടത്തിയത്. രാവിലെ ആറോടെ വീട്ടുകാർ ചായയുമായി ഇവർ കിടന്ന മുറിയിലെത്തിയപ്പോൾ കാണാത്തതിനെ തുടർന്ന് നടന്ന തിരച്ചിലിലാണ് കിണറ്റിൽ മരിച്ച നിലയിൽ കണ്ടെത്തിയത്. പാലക്കാട് നിന്ന് അഗ്നിരക്ഷാസേന എത്തിയാണ് മൃതദേഹം പുറത്തെടുത്തത്. മങ്കര പൊലീസ് ഇൻക്വസ്റ്റ് നടത്തി. മക്കൾ: ബാബുരാജ്, സുരേഷ്, രമേശ്, ദേവി, രജിത, പരേതയായ ശാന്ത.
