പുതുനഗരം: കരിപ്പോട് മോപ്പഡും ജീപ്പും കൂട്ടിയിടിച്ചുണ്ടായ അപകടത്തിൽ പരിക്കേറ്റ മോപ്പഡ് യാത്രക്കാരൻ മരിച്ചു. പൊൽപ്പുള്ളി പാറമൂളിപ്പറമ്പിൽ സുന്ദരൻ (54) ആണ് മരിച്ചത്. ജനുവരി 18ന് വൈകീട്ട് ഏഴിനായിരുന്നു അപകടം. നിർമാണ തൊഴിലാളിയായ സുന്ദരൻ ജോലി കഴിഞ്ഞ് പുതുനഗരം ഭാഗത്തേക്കു വരികയായിരുന്നു. തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെ കഴിഞ്ഞ ദിവസം പുലർച്ചെയാണ് മരിച്ചത്. ഭാര്യ: പാർവതി. മക്കൾ: സുജീഷ്, സുജിത്, സുജേഷ്മ. മരുമക്കൾ: ശുഭ, വിനു. സഹോദരങ്ങൾ: രാജൻ, ശശി, സത്യഭാമ, ശശികല.
