കോട്ടയം: മണിപ്പുഴ നവീൻ മർക്കോസ് സ്ഥാപനങ്ങളുടെ സ്ഥാപകൻ ഡോ. സി. മർക്കോസ് കാരക്കാട്ട് (80) നിര്യാതനായി. മുൻ എയർഫോഴ്സ് ഉദ്യോഗസ്ഥനാണ്. ക്നാനായ സമുദായ മാനേജിങ് കമ്മിറ്റി മെംബർ, ക്നാനായ ലെയ്റ്റി കൗൺസിൽ സ്ഥാപക പ്രസിഡൻറ്, ക്നാനായ മിത്രം മാസിക പത്രാധിപർ, തേർവാലടി കുടുംബയോഗ സ്ഥാപക സെക്രട്ടറി എന്നീ നിലകളിൽ സേവനമനുഷ്ഠിച്ചിട്ടുണ്ട്. ജീവകാരുണ്യ പ്രവർത്തനത്തിെൻറ ഭാഗമായി ബുദ്ധിമാന്ദ്യമുള്ള കുട്ടികൾക്കായി ‘സംരക്ഷ’ എന്ന സ്ഥാപനം പണിത് സംഭാവനയായി നൽകി. സുഗന്ധവ്യഞ്ജന കയറ്റുമതിക്ക് കേന്ദ്ര-സംസ്ഥാന സർക്കാറുകളുടെ വിവിധ അവാർഡുകൾ ലഭിച്ചിട്ടുണ്ട്. പ്രവാസികൾ, കേഴുക പ്രിയജനമേ, തേർവാലാടി കുടുംബചരിത്രം, ഫോട്ടോഗ്രഫി (മലയാളത്തിലെ ആദ്യ ഫോട്ടോഗ്രഫി ഗ്രന്ഥം) എന്നീ പുസ്തകങ്ങളുടെ ഗ്രന്ഥകർത്താവാണ്. ഭാര്യ: ഓമന മർക്കോസ്. മക്കൾ: ബോബി മർക്കോസ് (ഓറിയൻറൽ സ്പൈസസ്), ബെറ്റി മോർളി (യു.എസ്.എ), പരേതനായ ബിബിൻ മർക്കോസ്. മരുമക്കൾ: ആൻസി ബോബി, മോർളി തരകൻ (യു.എസ്.എ). മൃതദേഹം ശനിയാഴ്ച രാവിലെ ഒമ്പതിന് ഭവനത്തിൽ കൊണ്ടുവരും. മൂന്നിന് ശുശ്രൂഷ ആരംഭിച്ച് സംസ്കാരം നാലിന് മുളക്കാംതുരുത്തി സെൻറ് ജോർജ് ക്നാനായ പള്ളി സെമിത്തേരിയിൽ.