ആറ്റിങ്ങൽ: അഴൂർ മുട്ടപ്പലം കയർ വ്യവസായ സഹകരണസംഘത്തിൽ മെഷീനിൽ ഷാൾ കുരുങ്ങി അപകടത്തിപെട്ട തൊഴിലാളി ചികിത്സയിലിരിക്കെ മരിച്ചു. ശാസ്തവട്ടം ചിലമ്പിൽ വിളയിൽ വീട്ടിൽ എസ്. രാജിയാണ് (42) മരിച്ചത്. ബുധനാഴ്ചയായിരുന്നു സംഭവം. ആദ്യം സ്വകാര്യ ആശുപത്രിയിലും തുടർന്ന് അവിടെനിന്ന് മന്ത്രി തോമസ് ഐസക് അടിയന്തരമായി ഇടപെട്ട് തിരുവനന്തപുരം മെഡിക്കൽ കോളജിൽ ചികിത്സ സൗകര്യം ഏർപ്പെടുത്തിയെങ്കിലും ചികിത്സയിലിരിക്കെ മരണപ്പെടുകയായിരുന്നു. ഭർത്താവ്: അജീഷ്. മകൾ: അശ്വതി (ഏഴാം ക്ലാസ് വിദ്യാർഥിനി).