സ്‌കൂട്ടറില്‍നിന്ന് വീണ് വീട്ടമ്മ മരിച്ചു
യാത്രക്കിടെതുമ്മുമ്പോഴായിരുന്നു അപകടം
വെഞ്ഞാറമൂട്: ഭര്‍ത്താവിനൊപ്പം സഞ്ചരിക്കവെ സ്‌കൂട്ടറില്‍നിന്ന് വീണ് യുവതി മരിച്ചു. യാത്രക്കിടെ തുമ്മുമ്പോഴായിരുന്നു അപകടം. തേമ്പാംമൂട് നജി മന്‍സിലില്‍ നാസറിെൻറ ഭാര്യ ഷംല (40) ആണ് മരിച്ചത്.തിങ്കളാഴ്ച രാവിലെ ഒമ്പതിന് പനവൂരിലേക്കുള്ള യാത്രാമധ്യേ ചുള്ളാളത്താണ് അപകടം. സ്‌കൂട്ടറിലിരുന്ന് തുമ്മുമ്പോള്‍ താഴെ വീണ് സാരമായി പരിക്കേൽക്കുകയും തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയും ചെയ്തു. ചൊവ്വാഴ്ച മരിച്ചു.വെഞ്ഞാറമൂട് പൊലീസ് ഇൻക്വസ്റ്റ് നടത്തിയ മൃതദേഹം പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനൽകി. മക്കൾ: നജീബ്, മുനീര്‍.
