ബസും ബൈക്കും കൂട്ടിയിടിച്ച് യുവാവ് മരിച്ചു
ഓച്ചിറ: ചവറ കെ.എം.എം.എല്ലിലെ ജീവനക്കാരുമായിവന്ന ബസുമായി കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. കിളിമാനൂർ പുളിമാത്ത് പ്ലാവോട്,മാടൻവിള വീട്ടിൽ ധർമരാജൻറെയും ലതയുടെയും മകൻ ധനീഷ് (26)(24) ആണ് മരിച്ചത്. ചൊവ്വാഴ്ച രാവിലെ 8.30 ഓടെ ദേശീയപാതയിൽ വവ്വാക്കാവ് പെട്രോൾ പമ്പിനു മുന്നിലാണ് സംഭവം. ഹരിപ്പാട് സ്വകാര്യ കമ്പനിയിൽ ജീവനക്കാരനാണ്. ആലപ്പുഴയിലെ ജോലിസ്ഥലത്തുനിന്ന് വീട്ടിലേക്ക് പോകും വഴി ബൈക്കിൽ പെട്രോൾ നിറച്ച ശേഷം ദേശീയപാതയിലേക്ക് പ്രവേശിച്ചപ്പോഴാണ് അപകടം. ഉടൻ തന്നെ വണ്ടാനം മെഡിക്കൽ കോളേജിലെത്തിച്ചെങ്കിലും 11 മണിയോടെ മരിച്ചു. അവിവാഹിതനാണ്. മൃതദേഹം ബുധനാഴ്ച രാത്രിയോടെ പുളിമാത്തെ വീട്ടിലെത്തിച്ചു. സഹോദരൻ: നിധീഷ്
