വൈക്കം: വൈക്കം നഗരസഭ മുന് ചെയര്മാനും വൈക്കത്തെ ആദ്യത്തെ സമാന്തര വിദ്യാഭ്യാസ സ്ഥാപനമായ ഭാരത് കോളജിെൻറ സ്ഥാപകനുമായ വൈക്കം സുരേഷ് നിലയത്തില് ആര്. കൃഷ്ണപിള്ള (97) നിര്യാതനായി. സ്വതന്ത്ര മുന്നണി സ്ഥാനാർഥിയായി ജയിച്ചാണ് ചെയർമാനായത്. ഭാര്യ: ഭാനുമതിയമ്മ (റിട്ട. അധ്യാപിക). മക്കൾ: സുരേഷ് ബാബു (ഭാരത് കോളജ്, വൈക്കം), അഡ്വ. കെ. അജിത് ബാബു (വൈക്കം കോടതി). മരുമക്കൾ: സുനില, സിന്ധു. സംസ്കാരം നടത്തി.1947ല് വൈക്കം കച്ചേരിക്കവലയില് ആദ്യത്തെ ടൈപ് റൈറ്റിങ് ഇൻസ്റ്റിറ്റ്യൂട്ട് സ്ഥാപിച്ചു. പിന്നീട് 1951ല് വൈക്കം -ടി.വി പുരം റോഡില് ഭാരത് കോളജ് എന്ന പേരില് പാരലൽ കോളജ് തുറന്നു. നൂറുകണക്കിന് വിദ്യാർഥികൾക്ക് അറിവ് പകർന്നു ജീവിതം കരുപ്പിടിപ്പിക്കാൻ സഹായകരമായ സ്ഥിതിയിലേക്ക് ഭാരത് കോളജിനെ ഉയർത്തി.