ഏറ്റുമാനൂര്‍: നീണ്ടൂരില്‍ ടോറസ് ലോറിയിടിച്ച് ബൈക്ക് യാത്രികന് ദാരുണാന്ത്യം. കോട്ടയം മെഡിക്കല്‍ കോളജ് ആശുപത്രിയിലെ കെട്ടിടനിര്‍മാണ തൊഴിലാളിയും ചേര്‍ത്തല തിരുനല്ലൂര്‍ കുന്നത്ത് പത്മനാഭെൻറ മകനുമായ കെ.പി. ബാബുവാണ് (53) മരിച്ചത്.ബുധനാഴ്ച വൈകീട്ട് 5.30ന് നീണ്ടൂര്‍-കല്ലറ റോഡില്‍ പ്രാലേല്‍ പാലത്തിലായിരുന്നു അപകടം. ബൈക്കിെൻറ ഹാന്‍ഡിലില്‍ ലോറി തട്ടിയതിനെത്തുടര്‍ന്ന് ബാബു റോഡിലേക്ക് മറിഞ്ഞുവീഴുകയായിരുന്നു. പിന്നാലെ ലോറിയുടെ പിന്‍ചക്രങ്ങള്‍ ബാബുവിെൻറ ശരീരത്തിലൂടെ കയറിയിറങ്ങി. കോട്ടയം മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.കോട്ടയം മെഡിക്കല്‍ കോളജിലെ നഴ്സിങ് കോളജ് ഓഡിറ്റോറിയത്തില്‍ ടൈല്‍ വിരിക്കുന്ന ജോലിക്കുശേഷം വീട്ടിലേക്ക് മടങ്ങുകയായിരുന്നു. പ്രാലേല്‍ പാലത്തില്‍ കയറിയതോടൊപ്പം എതിര്‍ദിശയില്‍നിന്ന് വന്ന ലോറി ബാബുവിെൻറ ബൈക്കില്‍ തട്ടുകയായിരുന്നു.വീതികുറഞ്ഞ പാലത്തില്‍ അപകടം പതിവാണെന്ന് നാട്ടുകാര്‍ പറഞ്ഞു. കഴിഞ്ഞ മൂന്നുമാസത്തിനിടെ നാല് അപകടങ്ങളുണ്ടായി.
