തോട്ടില് മരിച്ചനിലയില്ചങ്ങനാശ്ശേരി: അന്തർ സംസ്ഥാന തൊഴിലാളിയെ തോട്ടില് മരിച്ചനിലയില് കണ്ടെത്തി. ബംഗാള് സ്വദേശി അല്ലുവാണ് (45) മരിച്ചത്. മാമ്മൂട് വെളിയന്തോട്ടിലാണ് സംഭവം. വ്യാഴാഴ്ച രാവിലെ തോടിനു സമീപം താമസിക്കുന്ന വീട്ടമ്മയാണ് മൃതദേഹം കണ്ടത്. അല്ലുവും കൂട്ടരും തോടിനു സമീപത്താണ് താമസിക്കുന്നത്. ബുധനാഴ്ച രാത്രിയോടെ കുളിക്കാന് തോട്ടില് പോയതാണെന്നും ഇയാള്ക്ക് ഇടക്കിടക്ക് അപസ്മാരം ഉണ്ടാകാറുണ്ടെന്നും കൂട്ടത്തിലുള്ളവര് പറഞ്ഞു. മരണകാരണം പോസ്റ്റ്മോര്ട്ടത്തിനുശേഷമേ അറിയുകയുള്ളൂവെന്ന് പൊലീസ് പറഞ്ഞു.