കോട്ടയം: മണർകാട്-കിടങ്ങൂർ റോഡിൽ കോങ്ങാണ്ടൂർ സെൻറ് ജോസഫ് എൽ.പി സ്കൂളിനുസമീപം അമിതവേഗത്തിലെത്തിയ ലോറിയിടിച്ച് ബൈക്ക് യാത്രികൻ മരിച്ചു. അമയന്നൂർ മെത്രാൻചേരി കൊച്ചോഴത്തിൽ റോണി എബ്രഹാമാണ് (38) മരിച്ചത്. അയർക്കുന്നം സോണിയ പ്രിേൻറഴ്സ് ഉടമയാണ്. ശനിയാഴ്ച രാവിലെ 10.30നായിരുന്നു അപകടം. കിടങ്ങൂർ ഭാഗത്തുനിന്ന് എത്തിയ ലോറി ബൈക്കിനെ മറികടക്കുന്നതിനിടെ പിൻഭാഗം ഇടിക്കുകയായിരുന്നു. റോഡിൽ തെറിച്ചുവീണ റോണിയെ കിടങ്ങൂരിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ഭാര്യ: പ്രതീക്ഷ. മകൾ: ജുവാന. സംസ്കാരം ഞായറാഴ്ച വൈകീട്ട് നാലിന് അമയന്നൂർ കഴുന്നുവലം മെത്രാൻചേരി സെൻറ് തോമസ് ഓർത്തഡോക്സ് പള്ളി സെമിത്തേരിയിൽ.