കോതമംഗലം: ബൈക്ക് വൈദ്യുതിത്തൂണിലിടിച്ച് ചികിത്സയിലിരുന്ന കുട്ടമ്പുഴ ഉരുളൻതണ്ണി നമ്പ്യാർമഠത്തിൽ സജീവൻ (62) മരിച്ചു. ശനിയാഴ്ച രാത്രി സത്രപ്പടി സ്കൂളിന് സമീപം റോഡിന് മധ്യത്തിൽ നിൽക്കുന്ന വൈദ്യുതിത്തൂണിലിടിച്ച് മറിയുകയായിരുന്നു. ഗുരുതര പരിക്കേറ്റ സജീവനെ കോതമംഗലത്തെയും ആലുവയിലെയും സ്വകാര്യ ആശുപത്രിയിൽ പ്രവേശിപ്പിക്കുകയും പിന്നീട് കോട്ടയം മെഡിക്കൽ കോളജ് ആശുപത്രിയിലേക്ക് മാറ്റുകയും ചെയ്തു.എന്നാൽ, ചൊവ്വാഴ്ച മരിച്ചു. ബുധനാഴ്ച പോസ്റ്റ്മോർട്ടത്തിനുശേഷം സംസ്കരിക്കും.