പറവൂർ: ടാങ്കർ ലോറിയുമായി കൂട്ടിയിടിച്ച് ഇരുചക്രവാഹന യാത്രികൻ മുരുക്കുംപാടം ചേലത്തുരുത്ത് നോബി (42) മരിച്ചു. കഴിഞ്ഞ ദിവസം രാത്രി 9.45ന് കെ.എം.കെ കവലയിലായിരുന്നു അപകടം. വരാപ്പുഴ ഭാഗത്തുനിന്ന് വന്ന ടാങ്കർ ലോറി ചെറായി ഭാഗത്തുനിന്ന് എത്തിയ നോബിയുടെ ഇരുചക്രവാഹനത്തിൽ ഇടിക്കുകയായിരുന്നു. തെറിച്ചുവീണ നോബിയെ ഉടൻ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പറവൂരിലെ സ്വകാര്യ ബസ് ഡ്രൈവറാണ്. ഭാര്യ: ലിജി. മക്കൾ: ചിഞ്ചു, നോബിൾ, നോയൽ.