ലോറിയിടിച്ച്സൈക്കിൾ യാത്രികൻ മരിച്ചു
അമ്പലപ്പുഴ: ലോറിയിടിച്ച് സൈക്കിൾ യാത്രികൻ മരിച്ചു. പുന്നപ്ര തെക്ക് പഞ്ചായത്ത് 14ാം വാർഡിൽ പുതുവൽ പഞ്ചായത്ത് കോളനിയിൽ അബ്ദുൽ തയ്യൂബാണ് (55) മരിച്ചത്‌. ചൊവ്വാഴ്ച വൈകീട്ട് ഏഴോടെ വണ്ടാനം എസ്.എൻ.ഡി.പിക്ക് സമീപം ദേശീയപാതയിലായിരുന്നു അപകടം. നിർമാണത്തൊഴിലാളിയായ ഇദ്ദേഹം ജോലി കഴിഞ്ഞ് സൈക്കിളിൽ വീട്ടിലേക്ക് വരുന്നതിനിടെ പിന്നാലെ വന്ന ലോറി ഇടിക്കുകയായിരുന്നു. ഗുരുതര പരിക്കേറ്റ ഇദ്ദേഹത്തെ ആലപ്പുഴ മെഡിക്കൽ കോളജ് ആശുപത്രിയിൽ എത്തിെച്ചങ്കിലും മരിച്ചു. ഭാര്യ: സീനത്ത്. മക്കൾ: സബിയത്ത്, സജിന. മരുമക്കൾ: റിയാസ്, സഫീർ.
