ചെറുതോണി: പൈനാവിനും കുളമാവിനുമിടയിൽ മീൻമുട്ടിയിൽ കാർ നിയന്ത്രണംവിട്ട് മറിഞ്ഞ് യുവാവ് മരിച്ചു.
രണ്ടുപേർക്ക് പരിക്കേറ്റു. പാലാ പൂവരണി സ്വദേശി ജീരകത്തിനാൽ ചിക്കു കൃഷ്ണനാണ് (34) മരിച്ചത്. അപകടത്തിൽ പരിക്കേറ്റ ചിക്കുവിെൻറ സഹോദരി രമ്യ (32), ഭർത്താവ് സന്ദീപ് (38) എന്നിവരെ ഇടുക്കി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇടുക്കിയിൽ പി.എസ്.സി ടെസ്റ്റ് എഴുതാൻ വന്നതായിരുന്നു രമ്യ. കൂടെ വന്നതാണ് ഭർത്താവ് സന്ദീപും ചിക്കു കൃഷ്ണനും. തിരിച്ചുപോകും വഴിയാണ് അപകടം.
