കോട്ടയം: എൻ.ജി.ഒ യൂനിയന് പാമ്പാടി ഏരിയ വൈസ് പ്രസിഡൻറ് അരീപ്പറമ്പ് ഉറുമ്പില്കുന്നേല് കെ.കെ. ഗോപാലന് ചെട്ടിയാര് (63) കുഴഞ്ഞുവീണ് മരിച്ചു. ളാക്കാട്ടൂര് ഗവ. എല്.പി സ്കൂളില് പി.ടി.എസ് ആയിരുന്നു. ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ കുഴഞ്ഞുവീഴുകയായിരുന്നു. ഉടൻ ആശുപത്രിയില് എത്തിച്ചെങ്കിലും രക്ഷിക്കാനായില്ല. നിലവില് എൻ.ജി.ഒ യൂനിയന് ജില്ല കൗണ്സിൽ അംഗവും കോട്ടയം ഗവ. എംപ്ലോയീസ് കോഓപറേറ്റിവ് സൊസൈറ്റി നമ്പർ 47 ഡയറക്ടര് ബോര്ഡ് അംഗവുമാണ്. ഭാര്യ: പന്നിമറ്റം കളപ്പറമ്പില് കെ.എസ്. രാജേശ്വരി. മക്കള്: പ്രവീണ് ഗോപാല്, പ്രദീപ് ഗോപാല്. മരുമക്കള്: മായ, കെ.ബി. അനുമോള്. സംസ്കാരം ഞായറാഴ്ച വൈകീട്ട് നാലിന് അരീപ്പറമ്പ് സ്കൂളിനുസമീപത്തെ വീട്ടുവളപ്പില്.