പാലാ: ഹൃദയസ്തംഭനം മൂലം മലയാളി യുവാവ് മസ്കത്തില് മരിച്ചു. വള്ളിച്ചിറ പ്രസാദ മന്ദിരത്തില് (ഇടയ്ക്കാട്ട്) പ്രസന്നകുമാറിെൻറ (രാജു) മകന് ജിതിന് പി. കുമാര് (കണ്ണന്-27) ആണ് മരിച്ചത്. വെള്ളിയാഴ്ച പുലര്ച്ചയാണ് സംഭവം. ജിതിനും സഹോദരന് ജിത്തു പി. കുമാറും വര്ഷങ്ങളായി മസ്കത്തില് ജോലി ചെയ്തുവരുകയാണ്. ഇരുവരും ഒരു മുറിയിലായിരുന്നു താമസം. വ്യാഴാഴ്ച രാത്രി 12 വരെ ജിതിന് വീട്ടുകാരോടും നാട്ടിലെ സുഹൃത്തുക്കളോടും വിഡിയോകാള് മുഖേന സംസാരിച്ചശേഷമാണ് ഉറങ്ങാന് കിടന്നത്. രാവിലെ ജിത്തു ഉണര്ന്നിട്ടും ജിതിന് ഉണര്ന്നില്ല. സംശയം തോന്നി ഉടൻ അടുത്ത ആശുപത്രിയില് എത്തിച്ചു. ആശുപത്രി അധികൃതരാണ് മരണം സ്ഥിരീകരിച്ചത്. കോവിഡ് പരിശോധനയില് നെഗറ്റിവാണ്. മൃതദേഹം നാട്ടിലെത്തിക്കാനുള്ള നടപടിക്രമങ്ങള് പുരോഗമിക്കുകയാണ്. മാതാവ്: ഗായത്രി (ഉഷ).