ഈരാറ്റുപേട്ട: ഈരാറ്റുപേട്ട-തൊടുപുഴ റോഡിൽ ഈലക്കയം വളവിനു സമീപം വാഹനാപകടത്തിൽ യുവാവ് മരിച്ചു. ഇടമറുക് കീന്തനാനിക്കൽ ഷാജി ജോസഫിെൻറ മകൻ സാജനാണ് (22) മരിച്ചത്. വെള്ളിയാഴ്ച രാവിലെ ഏഴിനാണ് സംഭവം. ബന്ധുവിനെ ബസിൽ കയറ്റിവിടാൻ ഈരാറ്റുപേട്ടക്ക് പോയി തിരികെ ഇടമറുകിലേക്ക് മടങ്ങുമ്പോൾ ഇലക്കയം ഭാഗത്തെ വളവിനു സമീപം നിയന്ത്രണംവിട്ട് മറിഞ്ഞ സ്കൂട്ടർ എതിരെവന്ന കാറിലേക്ക് ഇടിച്ചുകയറുകയായിരുന്നു. ഇടിയുടെ ആഘാതത്തിൽ സാജൻ റോഡിലേക്ക് തെറിച്ചുവീണു. സ്കൂട്ടറിെൻറ മുൻഭാഗം വേർപെട്ടു. കാറിെൻറ മുൻഭാഗവും തകർന്നു. ഉടൻ ഈരാറ്റുപേട്ടയിലെ സ്വകാര്യ ആശുപത്രിയിൽ എത്തിച്ചു. നില ഗുരുതരമായതിനെത്തുടർന്ന് മെഡിക്കൽ കോളജ് ആശുപത്രിയിലേക്ക് മാറ്റിയെങ്കിലും പത്തുമണിയോടെ മരണം സംഭവിച്ചു. മാതാവ്: ഡെയ്സി. സഹോദരൻ: സാജു.