ഏറ്റുമാനൂര്: ഏറ്റുമാനൂര്-മണര്കാട് ബൈപാസ് റോഡില് മധ്യവയസ്കന് കാറിനുള്ളില് തൂങ്ങിമരിച്ച നിലയില്. ഏറ്റുമാനൂര് ചുണ്ടക്കാട്ടില് കരുണാകരെൻറ മകന് സതീശ്കുമാറാണ് (തമ്പി - 54) മരിച്ചത്. തോര്ത്ത് കഴുത്തില് കെട്ടി കാറിനുള്ളിലെ പിടിയില് തൂങ്ങിമരിച്ച നിലയിലാണ് മൃതദേഹം കാണപ്പെട്ടത്. പട്രോളിങ്ങിന് പോയ പൊലീസുകാരാണ് ഞായറാഴ്ച പുലര്ച്ച 1.30ഓടെ ചെറുവാണ്ടൂര് കെ.എന്.ബി ജങ്ഷന് വടക്കുമാറി കാറിനുള്ളില് സതീശിനെ മരിച്ചനിലയില് കണ്ടത്. സംശയകരമായ സാഹചര്യത്തില് റോഡില് കിടന്ന കാര് പരിശോധിക്കുകയായിരുന്നു. വാഹനക്കച്ചവടവും സാമ്പത്തിക ഇടപാടുകളും മറ്റും നടത്തിവന്നിരുന്നയാളാണ് സതീശ്കുമാര്. അതേസമയം, സംഭവത്തില് ദുരൂഹത ആരോപിക്കപ്പെടുന്നുണ്ട്. കാറിനുള്ളില് എങ്ങനെ ഇത്തരത്തില് ആത്മഹത്യ ചെയ്യുമെന്നാണ് സംശയം. ആത്മഹത്യയാണെന്നാണ് പ്രാഥമിക നിഗമനമെന്ന് പൊലീസ് പറഞ്ഞു. പൊലീസിെൻറ നടപടികള്ക്കുശേഷം മൃതദേഹം പോസ്റ്റ്മോര്ട്ടത്തിന് കോട്ടയം മെഡിക്കല് കോളജ് ആശുപത്രി മോര്ച്ചറിയിലേക്ക് മാറ്റി.