മൂവാറ്റുപുഴ: ബൈക്കും കാറും കൂട്ടിയിടിച്ച് എൻജിനീയറിങ് കോളജ് വിദ്യാർഥി മരിച്ചു. ആവോലി വിശ്വജ്യോതി എൻജിനീയറിങ് കോളജിലെ നാലാംവർഷ സിവിൽ എൻജിനീയറിങ് വിദ്യാർഥി കരിങ്കുന്നം നെല്ലാംകുഴിയിൽ അജയ് സെബിൻ അലക്സാണ് (21) മരിച്ചത്. ചൊവ്വാഴ്ച വൈകീട്ട് 6.15ഓടെ വാഴക്കുളം ശ്രീകൃഷ്ണ ഗ്യാസ് ഏജൻസിക്കു സമീപമായിരുന്നു അപകടം. വാഴക്കുളം ഭാഗത്തുനിന്ന് ആവോലിക്ക് പോകുകയായിരുന്ന അജയ് സഞ്ചരിച്ച ബൈക്കിൽ മറ്റൊരു വാഹനത്തെ മറികടെന്നത്തിയ കാർ ഇടിക്കുകയായിരുന്നു. മൃതദേഹം മൂവാറ്റുപുഴ നിർമല മെഡിക്കൽ സെൻറർ ആശുപത്രി മോർച്ചറിയിൽ.