ചെങ്ങന്നൂർ: റോഡിന് കുറുകെച്ചാടിയ നായെ ഇടിച്ചുണ്ടായ അപകടത്തിൽ ഗുരുതര പരിക്കേറ്റ ബൈക്ക് യാത്രികനായ മെഡിക്കല് റെപ്രസേൻററ്റിവ് മരിച്ചു. ബുധനൂര് പെരിങ്ങാട് 14ാം വാർഡിൽ ചാമക്കുറ്റിയില് ധീരജ് ഭവനിൽ രാമചന്ദ്രൻ-ലീലാമ്മ ദമ്പതികളുടെ മകൻ ധീരജ്കുമാറാണ് (40) മരിച്ചത്. ചെങ്ങന്നൂർ-മാന്നാർ റോഡിൽ ബുധനൂർ കോടഞ്ചിറ ഭാഗത്ത് തിങ്കളാഴ്ച വൈകീട്ട് അഞ്ചോടെയാണ് അപകടം. അരിസ്റ്റോ ഫാര്മസ്യൂട്ടിക്കല് കമ്പനിയില് മെഡിക്കല് റെപ്രസെേൻററ്റിവായിരുന്നു ധീരജ്. ഭാര്യ: ചെന്നിത്തല ചെറുകോല് കണ്ണമ്പള്ളില് തെക്കേതില് കുടുംബാംഗം വിജി. മക്കള്: ദിയ (അഞ്ചാം ക്ലാസ് വിദ്യാര്ഥിനി), ധന്വി(യു.കെ.ജി വിദ്യാര്ഥിനി). സംസ്കാരം ബുധനാഴ്ച വൈകീട്ട് മൂന്നിന് വീട്ടുവളപ്പില്.