രാമപുരം: കളമശ്ശേരിയിൽ റെയില്വേ ട്രാക്കില് രാമപുരം സ്വദേശിയായ വയോധികനെ മരിച്ച നിലയില് കണ്ടെത്തി. രാമപുരം എടനാട്ട്പറമ്പില്(എടാട്ടേല്) പ്രഭാകരന് നായരാണ് (78) മരിച്ചത്.കഴിഞ്ഞ 17 മുതല് പ്രഭാകരനെ കാണാതായതിനെ തുടര്ന്ന് കുടുംബാംഗങ്ങള് രാമപുരം പൊലീസില് പരാതി നല്കിയിരുന്നു.ഓര്മക്കുറവുള്ളതിനാല് വീട്ടില്നിന്ന് ഇറങ്ങിപ്പോവുന്നത് പതിവായിരുന്നെന്ന് ബന്ധുക്കള് പറയുന്നു. ഭാര്യ രുഗ്മിണിയമ്മ പെരുമ്പാവൂര് തെക്കേമേപ്പള്ളില് കുടുംബാംഗമാണ്.മകന്: രാധാകൃഷ്ണന്(എന്.എസ്.എസ് രാമപുരം ശാഖ സെക്രട്ടറി). മരുമകള്: സ്വപ്ന(ഡെപ്യൂട്ടി തഹസില്ദാര്, ദേവികുളം).