ചങ്ങനാശ്ശേരി: ഹോട്ടൽ തൊഴിലാളി ജോലികഴിഞ്ഞ് വീട്ടിലേക്ക് നടന്നുപോകുന്നതിനിടെ കാറിടിച്ച് മരിച്ചു. പായിപ്പാട് പഞ്ചായത്തില്‍ നാലുകോടി പുതുപ്പറമ്പില്‍ ഷിബു തോമസാണ് (49) മരിച്ചത്. െവള്ളിയാഴ്ച രാത്രി 9.30ഓടെ തെങ്ങണ പെരുന്തുരുത്തി ബൈപാസില്‍ വീടിന് സമീപം കാലായി പടിയിലാണ് അപകടം. ഇവിടെ കുടുംബവുമൊത്ത് വാടകക്ക് താമസിക്കുകയാണ്. ഇടിച്ച വാഹനത്തില്‍ തന്നെ ഷിബുവിനെ തിരുവല്ല ബിലീവേഴ്‌സ് ചര്‍ച്ച് ആശുപത്രിയിൽ എത്തിച്ചെങ്കിലും രക്ഷിക്കാനായില്ലെന്ന് പൊലീസ് പറഞ്ഞു. തൃക്കൊടിത്താനം പൊലീസ് കേസെടുത്തു. കോട്ടയം മെഡിക്കല്‍ കോളജിൽ പോസ്റ്റ്മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനൽകി. സംസ്‌കാരം ഞായറാഴ്ച 2.30ന് സെൻറ് തോമസ് ദേവാലയ സെമിത്തേരിയിൽ. പിതാവ്: തോമസ്. മാതാവ്: റെജി. ഭാര്യ: സുമ. മക്കള്‍: ഷിബിന്‍, ഷിനു.
