തിരുവല്ല: അമിത വേഗത്തിലെത്തിയ സ്കൂട്ടർ ഇടിച്ച് പരിക്കേറ്റ് ചികിത്സയിലിരുന്ന കടപ്ര ഐക്കരത്തറയിൽ വീട്ടിൽ കൊച്ചുകൃഷ്ണൻ (70) നിര്യാതനായി. പരുമല ജങ്ഷന് സമീപം കഴിഞ്ഞ വെള്ളിയാഴ്ച രാവിലെ എട്ടരയോടെയായിരുന്നു അപകടം. വഴിയരികിൽ നിന്ന ഇദ്ദേഹത്തിന് സ്കൂട്ടർ ഇടിച്ച് തലക്ക് ഗുരുതര പരിക്കേറ്റു. വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ഞായറാഴ്ച പുലർച്ചയാണ് മരിച്ചത്. ഭാര്യ: പരേതയായ പങ്കജാക്ഷി. മക്കൾ: ശിവൻ, സുരേഷ്, ഉഷ, അംബിക. മരുമക്കൾ: വാസന്തി, സിന്ധു, ചന്ദ്രൻ, ജ്യോതി. സംസ്കാരം പിന്നീട്.