ചിറ്റാര്: ആർ.എസ്.എസ് നേതാവും എഴുത്തുകാരനും ആധ്യാത്മിക പ്രഭാഷകനും കൊച്ചുകോയിക്കല് എസ്.എന് യു.പി സ്കൂള് റിട്ട. പ്രഥമാധ്യാപകനുമായ ചിറ്റാര് ശ്രീകൃഷ്ണപുരം ശ്രീഭവനില് ടി.എന്. ചന്ദ്രശേഖരന് (73) നിര്യാതനായി. ഭഗവത്ഗീതയുടെ മലയാള പരിഭാഷ നിർവഹിച്ചിട്ടുണ്ട്. മറ്റ് പുസ്തകങ്ങളും കവിതകളും രചിച്ചിട്ടുണ്ട്. വിദ്യാനികേതന് സ്കൂള് സ്ഥാപകനായിരുന്നു. ആർ.എസ്.എസ് താലൂക്ക് കാര്യവാഹക്, വിശ്വഹിന്ദുപരിഷത്ത് അധ്യക്ഷന് എന്നീ നിലകളില് പ്രവര്ത്തിച്ചിട്ടുണ്ട്. ഭാര്യ: രാധാമണിയമ്മ. മക്കള്: ചന്ദ്രലേഖ (അധ്യാപിക, കെ.ആര്.പി.എം സ്കൂള് സീതത്തോട്), കണ്ണന്. മരുമക്കള്: എസ്. രാജീവ്, വി. അശ്വതി. സംസ്കാരം ഞായറാഴ്ച ഒന്നിന് വീട്ടുവളപ്പില്.