കുറുപ്പന്തറ: കുറുപ്പന്തറ- ഇടയാഴം റോഡിൽ കല്ലറ കളമ്പുകാട്ട് ടോറസ് ലോറി ബൈക്കിൽ ഇടിച്ചുണ്ടായ അപകടത്തിൽ ഗുരുതര പരിക്കേറ്റ് ചികിത്സയിലിരുന്ന യുവാവ് മരിച്ചു. മേമ്മുറി ഓപ്പാരക്കൽ റിട്ട.എസ്.ഐ ശിവരാമെൻറ മകൻ ശിവകുമാറാണ് (28) മരിച്ചത്. ശിവകുമാറിനൊപ്പമുണ്ടായിരുന്ന മേമ്മുറി അമ്പലത്തിങ്കൽ മുരളീധരെൻറ മകൻ മഹേഷ് (23) സംഭവസ്ഥലത്ത് മരിച്ചിരുന്നു. ഗുരുതര പരിക്കേറ്റ ശിവകുമാറിനെ കാരിത്താസ് ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിക്കുകയായിരുന്നു. ചികിത്സയിലിരിക്കേ തിങ്കളാഴ്ച വൈകീട്ട് നാലോടെയാണ് മരിച്ചത്. കഴിഞ്ഞ വെള്ളിയാഴ്ച രാത്രി എട്ടരയോടെയാണ് കല്ലറ കളമ്പുകാട് ജങ്ഷനിൽ യുവാക്കൾ സഞ്ചരിച്ച ബൈക്കും ചേർത്തല ഭാഗത്തേക്ക് പോകുകയായിരുന്ന ടോറസ് ലോറിയും കൂട്ടിയിടിച്ച് അപകടമുണ്ടായയത്. മാതാവ്: രാഗിണി. സഹോദരൻ: ശിവപ്രസാദ്. സംസ്കാരം ചൊവ്വാഴ്ച ഉച്ചക്ക് 12.30ന് വീട്ടുവളപ്പിൽ.