പാലാ: തൊടുപുഴ-പാലാ റോഡില് ഐങ്കൊമ്പില് ഉണ്ടായ വാഹനാപകടത്തില് പരിക്കേറ്റ് ചികിത്സയിലിരുന്ന കാല്നടക്കാരന് മരിച്ചു. ഐങ്കൊമ്പ് ചുണ്ടന്മാക്കല് ബാലകൃഷ്ണന് നായരാണ് (70) മരിച്ചത്. ഏപ്രില് 12നാണ് നിയന്ത്രണംവിട്ട ഇന്നോവ കാറിടിച്ച് സൈക്കിള് യാത്രക്കാരന് മരിക്കുകയും കാല്നടക്കാരനായ ബാലകൃഷ്ണന് ഗുരുതര പരിക്കേല്ക്കുകയും ചെയ്തത്.സൈക്കിള് യാത്രക്കാരനായ ഐങ്കൊമ്പ് സ്വദേശി കുന്നുംപുറത്ത് ജോബിനാണ് (ബിബിന് -32) കോട്ടയം മെഡിക്കല് കോളജ് ആശുപത്രിയില് ചികിത്സയിലിരിക്കെ മരിച്ചത്. കനത്ത മഴയില് അമിതവേഗത്തില് വന്ന കാര് സൈക്കിളിെൻറ പിറകിലിടിച്ച് നിയന്ത്രണംവിട്ട് മതിലിലിടിച്ച ശേഷം വഴിയാത്രക്കാരനെയും ഇടിച്ചുതെറിപ്പിക്കുകയായിരുന്നു. ബാലകൃഷ്ണെൻറ സംസ്കാരം വ്യാഴാഴ്ച വൈകീട്ട് മൂന്നിന് വീട്ടുവളപ്പില്.