ഏറ്റുമാനൂര്: മീനച്ചിലാറ്റില് കുളിക്കാനിറങ്ങിയ യുവാവ് മുങ്ങി മരിച്ചു.വൈക്കം കുടവെച്ചൂര് കോയിപ്പറമ്പില് മേരിക്കുട്ടിയുടെ മകന് ജോമോനാണ് (37) പേരൂര് പായിക്കാട് കടവില് മുങ്ങി മരിച്ചത്. കെട്ടിടനിര്മാണ ജോലിക്ക് എത്തി പായിക്കാട് കവലയിലെ കെട്ടിടത്തില് വാടകക്ക് താമസിക്കുകയായിരുന്നു.ശനിയാഴ്ച വൈകീട്ട് നാലോടെയാണ് പുഴയിലിറങ്ങിയ ജോമോനെ കാണാതായത്. കോട്ടയത്തുനിന്ന് എത്തിയ അഗ്നിരക്ഷാസംഘവും നാട്ടുകാരും ചേര്ന്ന് 5.30 ഓടെ മൃതദേഹം കണ്ടെത്തി. ഏറ്റുമാനൂർ പൊലീസ് നടപടികള്ക്കുശേഷം മൃതദേഹം കോട്ടയം മെഡിക്കല് കോളജ് ആശുപത്രി മോർച്ചറിയിലേക്ക് മാറ്റി.