മൂവാറ്റുപുഴ: കിഴക്കൻമേഖലയിൽ കമ്യൂണിസ്റ്റ് പ്രസ്ഥാനം കെട്ടിപ്പടുക്കുന്നതിൽ വലിയ പങ്ക് വഹിച്ച നേതാക്കളിലൊരാളായ മൂവാറ്റുപുഴ കിഴക്കേക്കര പുത്തൻപുരയിൽ പി.കെ. പുരുഷോത്തമൻ പിള്ള (ഉത്തമൻ ചേട്ടൻ -88) നിര്യാതനായി. കർഷകസമരത്തിൽ പങ്കെടുത്ത് ജയിൽവാസമനുഷ്ഠിച്ചിട്ടുണ്ട്. മൂവാറ്റുപുഴ നഗരസഭ കൗൺസിലർ, ദീർഘകാലം മൂവാറ്റുപുഴ അർബൻ സഹകരണ ബാങ്ക് ചെയർമാൻ, സി.പി.എം മൂവാറ്റുപുഴ ലോക്കൽ സെക്രട്ടറി, ഏരിയ കമ്മിറ്റി അംഗം തുടങ്ങിയ നിലകളിലും പ്രവർത്തിച്ചു. ഭാര്യ: മാറാടി മാളികയിൽ കുടുംബാംഗം വി.എസ്. വിജയലക്ഷ്മി. മക്കൾ: ബിന്ദു, ബിജു, സിന്ധു. മരുമക്കൾ: ബിന്ദു (മൂവാറ്റുപുഴ നിർമല നഴ്‌സിങ് സ്‌കൂൾ), രാജു, പരേതനായ രാജീവ്.
