തീരസംരക്ഷണ സേനയിൽ (ഇന്ത്യൻ കോസ്റ്റ്ഗാർഡ്) ഇനി പറയുന്ന തസ്തികകളിൽ നിയമനത്തിന് ഫെബ്രുവരി 16 വൈകീട്ട് 5.30 വരെ ഓൺലൈനായി അപേക്ഷിക്കാം. പുരുഷന്മാർക്കാണ് അവസരം. നാവിക് (ജനറൽ ഡ്യൂട്ടി) ഒഴിവുകൾ- 225 (ജനറൽ 88, ഇ.ഡബ്ല്യു.എസ് 22, ഒ.ബി.സി 61, എസ്.സി 32, എസ്.ടി 22). യോഗ്യത: മാത്സ്, ഫിസിക്സ് വിഷയങ്ങളോടെ പ്ലസ്ടു/ തത്തുല്യ ബോർഡ് പരീക്ഷ വിജയിക്കണം.
നാവിക് (ഡൊമസ്റ്റിക് ബ്രാഞ്ച്) ഒഴിവുകൾ -30. (ജനറൽ 12, ഇ.ഡബ്ല്യു.എസ് 2, ഒ.ബി.സി 10, എസ്.സി 4, എസ്.ടി 2). യോഗ്യത: എസ്.എസ്.എൽ.സി/പത്താംക്ലാസ്/തത്തുല്യ ബോർഡ് പരീക്ഷ പാസായിരിക്കണം. മെഡിക്കൽ, ഫിസിക്കൽ ഫിറ്റ്നസ് ഉണ്ടായിരിക്കണം. പ്രായപരിധി 18-22. നിയമാനുസൃത ഇളവ് ലഭിക്കും.
വിജ്ഞാപനം https://joinindiancostguard.cdac.inൽനിന്ന് ഡൗൺലോഡ് ചെയ്യാം. അപേക്ഷ/പരീക്ഷഫീസ് 300 രൂപ. എസ്.സി/എസ്.ടി വിഭാഗങ്ങൾക്ക് ഫീസില്ല. കോസ്റ്റ്ഗാർഡ് എൻറോൾഡ് പേഴ്സനൽ ടെസ്റ്റിലൂടെയാണ് (CGEPT 02/2023) സെലക്ഷൻ. കമ്പ്യൂട്ടർ അധിഷ്ഠിത ഓൺലൈൻ പരീക്ഷ, ഫിസിക്കൽ ഫിറ്റ്നസ് ടെസ്റ്റ്, വൈദ്യപരിശോധന എന്നിവ നടത്തി മെറിറ്റ് ലിസ്റ്റ് തയാറാക്കിയാണ് നിയമനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.