നവരത്ന കമ്പനിയായ കേന്ദ്ര പൊതുമേഖലയിലെ നാഷനൽ ഫെർട്ടിലൈസേഴ്സ് ലിമിറ്റഡിൽ വിവിധ തസ്തികകളിലായി ആകെ 97 ഒഴിവുകൾ.
എൻജിനീയർ-പ്രൊഡക്ഷൻ: (ഒഴിവുകൾ 40) മെക്കാനിക്കൽ 15, ഇലക്ട്രിക്കൽ 12, ഇൻസ്ട്രുമെന്റേഷൻ 11, സിവിൽ 1, ഫയർ ആൻഡ് സേഫ്റ്റി 3. യോഗ്യത: ബന്ധപ്പെട്ട/അനുബന്ധ ശാഖയിൽ 60 ശതമാനം മാർക്കിൽ (എസ്.സി/എസ്.ടി/പി.ഡബ്ല്യു.ബി.ഡി വിഭാഗങ്ങൾക്ക് 50 ശതമാനം മതി) കുറയാതെ ബി.ഇ/ബി.ടെക്/തത്തുല്യ ബിരുദവും ഒരുവർഷത്തെ പ്രവൃത്തി പരിചയവും. പ്രായപരിധി 18-30 വയസ്സ്. സംവരണ വിഭാഗങ്ങളിൽപെടുന്നവർക്ക് നിയമാനുസൃത വയസ്സിളവുണ്ട്.
സീനിയർ കെമിസ്റ്റ്: (ഒഴിവുകൾ 9) യോഗ്യത: എം.എസ് സി കെമിസ്ട്രി/ഇൻ ഓർഗാനിക് കെമിസ്ട്രി/ഓർഗാനിക് കെമിസ്ട്രി/അനലിറ്റിക്കൽ കെമിസ്ട്രി/ഫിസിക്കൽ കെമിസ്ട്രി/അപ്ലൈഡ് കെമിസ്ട്രി/ഇൻഡസ്ട്രിയൽ കെമിസ്ട്രി 60 ശതമാനം മാർക്കിൽ കുറയാതെ വിജയിച്ചിരിക്കണം. ബന്ധപ്പെട്ട മേഖലയിൽ ഒരുവർഷത്തെ പ്രവൃത്തി പരിചയം വേണം. പ്രായപരിധി 18-30.
മെറ്റീരിയൽസ് ഓഫിസർ: (ഒഴിവുകൾ 6) യോഗ്യത: ബി.ടെക്/ബി.ഇ മെക്കാനിക്കൽ/മെറ്റീരിയൽസ് സയൻസ് ആൻഡ് എൻജിനീയറിങ് 60 ശതമാനം മാർക്കിൽ കുറയാതെ വിജയിച്ചിരിക്കണം. ഒരുവർഷത്തെ പ്രവൃത്തി പരിചയം വേണം. പ്രായപരിധി 18-30.
എസ്.സി/എസ്.ടി/പി.ഡബ്ല്യു.ബി.ഡി വിഭാഗങ്ങൾക്ക് യോഗ്യതാ പരീക്ഷക്ക് 50 ശതമാനം മാർക്ക് മതി. സംവരണ വിഭാഗക്കാർക്ക് നിയമാനുസൃത വയസ്സിളവുണ്ട്. മെഡിക്കൽ ഫിറ്റ്നസുണ്ടായിരിക്കണം.
വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.nationalfertilizers.com/careersൽനിന്ന് ഡൗൺലോഡ് ചെയ്യാം. അപേക്ഷാഫീസ് 700 രൂപ. എസ്.സി/എസ്.ടി/പി.ഡബ്ല്യു.ബി.ഡി/വിമുക്തഭടന്മാർ മുതലായ വിഭാഗങ്ങളിൽപെടുന്നവർക്ക് ഫീസില്ല.
ഓൺലൈനായി ജൂലൈ ഒന്നുവരെ അപേക്ഷ നൽകാം. ഷോർട്ട്‍ലിസ്റ്റ് ചെയ്ത് വ്യക്തിഗത അഭിമുഖം നടത്തിയാണ് സെലക്ഷൻ. തിരഞ്ഞെടുക്കപ്പെടുന്നവർക്ക് 40,000-1,40,000 രൂപ ശമ്പളനിരക്കിൽ സ്ഥിര നിയമനം ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.