തേഞ്ഞിപ്പലം: ഡോ. എം. നാസർ കാലിക്കറ്റ് സർവകലാശാലയുടെ പുതിയ പ്രൊ വൈസ് ചാൻസലർ ആയി ചുമതലയേറ്റു. തിങ്കളാഴ്ച ചേർന്ന സിൻഡിക്കേറ്റാണ് നാസറിനെ തിരഞ്ഞെടുത്തത്.
നിലവിൽ കാലിക്കറ്റ് സർവകലാശാല റിസർച് ഡയറക്ടറായ അദ്ദേഹം സുവോളജി പഠനവകുപ്പിലെ സീനിയർ പ്രഫസറാണ്. പ്രൊ-വൈസ് ചാൻസലർ ആയിരുന്ന ഡോ. പി മോഹൻ വിരമിച്ച ഒഴിവിലാണ് നിയമനം. 1999ൽ കാലിക്കറ്റ് സർവകലാശാല സർവിസിൽ പ്രവേശിച്ച എം. നാസർ 2015-17 കാലയളവിൽ സുവോളജി പഠനവിഭാഗം മേധാവി ആയിരുന്നു.
കാലിക്കറ്റ് സർവകലാശാലയിൽനിന്നുതന്നെയാണ് പിഎച്ച്.ഡി. നേടിയത്. 38 പ്രബന്ധങ്ങൾ പ്രസിദ്ധീകരിച്ചിട്ടുണ്ട്. ഒമ്പത് വിദ്യാർഥികൾ ഡോ. നാസറിെൻറ കീഴിൽ പിഎച്ച്.ഡി പൂർത്തീകരിച്ചിട്ടുണ്ട്. കണ്ണൂർ സ്വദേശിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.