തിരുവനന്തപുരം: ഒന്നാം വർഷ ഹയർ സെക്കൻഡറി/വി.എച്ച്.എസ്.ഇ ഏകജാലക പ്രവേശനത്തിനുള്ള അപേക്ഷ സമർപ്പണം വെള്ളിയാഴ്ച അവസാനിക്കും. വ്യാഴാഴ്ച രാത്രി വരെയുള്ള കണക്ക് പ്രകാരം ഹയർ സെക്കൻഡറി പ്രവേശനത്തിന് 4,49,920 പേർ അപേക്ഷിച്ചിട്ടുണ്ട്. ഇതിൽ 4,15,150 പേർ എസ്.എസ്.എൽ.സി സ്ട്രീമിലും 24,601 പേർ സി.ബി.എസ്.ഇ സ്ട്രീമിലും 2553 പേർ ഐ.സി.എസ്.ഇയിലും 7616 പേർ മറ്റ് സ്ട്രീമിലും പത്താംതരം പാസായവരാണ്.
കൂടുതൽ അപേക്ഷ മലപ്പുറംജില്ലയിൽ നിന്നാണ്; 78,140. കുറവ് വയനാട്ടിൽ; 11573. ട്രയൽ അലോട്ട്മെന്‍റ് 13നും ഒന്നാം അലോട്ട്മെന്‍റ് 19നും പ്രസിദ്ധീകരിക്കും. ട്രയൽ അലോട്ട്മെന്‍റിന് ശേഷം അപേക്ഷയിലെ പിഴവുകൾ തിരുത്താനും ഓപ്ഷനുകൾ പുനഃക്രമീകരിക്കാനും അവസരം നൽകും.
അപേക്ഷകരുടെ എണ്ണം ജില്ല തിരിച്ച്:
തിരുവനന്തപുരം 33,852, കൊല്ലം 32,500, പത്തനംതിട്ട 13,832, ആലപ്പുഴ 25,187, കോട്ടയം 22,585, ഇടുക്കി 12,399, എറണാകുളം 36,887, തൃശൂർ 38,133, പാലക്കാട് 43,258, മലപ്പുറം 78,140, കോഴിക്കോട് 46,140, വയനാട് 11,573, കണ്ണൂർ 36,352, കാസർകോട് 19,109.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.