പ്ലസ്​ വൺ ട്രയൽ അലോട്ട്​മെന്‍റ്; മലബാറിൽ സീറ്റ്​ ക്ഷാമം തന്നെ

തി​രു​വ​ന​ന്ത​പു​രം: പ്ല​സ്​ വ​ൺ പ്ര​വേ​ശ​ന​ത്തി​ൽ മ​ല​ബാ​റി​ലെ സീ​റ്റ്​ ക്ഷാ​മ​ത്തി​ലേ​ക്കു​ള്ള സൂ​ച​ന​യാ​യി ട്ര​യ​ൽ അ​ലോ​ട്ട്​​മെ​ന്‍റ്. പാ​ല​ക്കാ​ട്​ മു​ത​ൽ കാ​സ​ർ​കോ​ട്​ വ​രെ​യു​ള്ള ആ​റ്​ ജി​ല്ല​ക​ളി​ലെ 2,45,976 അ​പേ​ക്ഷ​ക​രി​ൽ 1,20,939 പേ​ർ​ക്കാ​ണ്​ പ്ര​വേ​ശ​ന സാ​ധ്യ​ത സൂ​ചി​പ്പി​ക്കു​ന്ന ട്ര​യ​ൽ അ​ലോ​ട്ട്​​മെ​ന്‍റി​ൽ ഇ​ടം ല​ഭി​ച്ച​ത്. കൂ​ടു​ത​ൽ അ​പേ​ക്ഷ​ക​രു​ള്ള മ​ല​പ്പു​റം ജി​ല്ല​യി​ൽ 82,425 പേ​രി​ൽ 36,385 പേ​ർ​ക്കാ​ണ്​ ട്ര​യ​ൽ അ​ലോ​ട്ട്​​മെ​ന്‍റി​ൽ ഇ​ടം​ല​ഭി​ച്ച​ത്.

ജി​ല്ല​യി​ൽ ഏ​ക​ജാ​ല​ക പ്ര​വേ​ശ​ന​ത്തി​ന്​ ല​ഭ്യ​മാ​യ മെ​റി​റ്റ്​ സീ​റ്റു​ക​ൾ 49,664 ആ​ണ്. അ​വ​ശേ​ഷി​ക്കു​ന്ന സീ​റ്റു​ക​ൾ​കൂ​ടി ചേ​ർ​ത്ത്​ ഒ​ന്നാം അ​ലോ​ട്ട്​​മെ​ന്‍റ്​ പ്ര​സി​ദ്ധീ​ക​രി​ച്ചാ​ലും 32,761 പേ​ർ​ക്ക്​ ഏ​ക​ജാ​ല​ക പ്ര​വേ​ശ​ന​ത്തി​ൽ സീ​റ്റു​ണ്ടാ​കി​ല്ല. മ​ല​ബാ​റി​ലെ ആ​റ്​ ജി​ല്ല​ക​ളി​ൽ ആ​കെ​യു​ള്ള 1,60,267 മെ​റി​റ്റ്​ സീ​റ്റു​ക​ളി​ൽ 1,20,939 എ​ണ്ണ​ത്തി​ലേ​ക്കാ​ണ്​ ട്ര​യ​ൽ അ​ലോ​ട്ട്​​മെ​ന്‍റ്​ ന​ട​ന്ന​ത്.

അ​വ​ശേ​ഷി​ക്കു​ന്ന 39,328 സീ​റ്റു​ക​ൾ കൂ​ടി പ​രി​ഗ​ണി​ച്ചാ​ലും ഈ ​ജി​ല്ല​ക​ളി​ൽ ഏ​ക​ജാ​ല​ക​ത്തി​ൽ അ​പേ​ക്ഷി​ച്ച 85,709 പേ​ർ​ക്ക്​ സീ​റ്റു​ണ്ടാ​കി​ല്ല. മ​ല​പ്പു​റ​ത്തി​ന്​ പു​റ​മെ, കോ​ഴി​ക്കോ​ട്, പാ​ല​ക്കാ​ട്, ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ളി​ലും അ​പേ​ക്ഷ​ക​രും സീ​റ്റും ത​മ്മി​ലെ അ​ന്ത​രം വ​ലു​താ​ണ്.

പാ​ല​ക്കാ​ട്​ ജി​ല്ല​യി​ൽ 45,203 അ​പേ​ക്ഷ​ക​ർ​ക്കാ​യി മെ​റി​റ്റി​ലു​ള്ള​ത്​ 27,199 സീ​റ്റു​ക​ളാ​ണ്. ഇ​തി​ലേ​ക്ക്​ 22,565 പേ​ർ​ക്കാ​ണ്​ ട്ര​യ​ൽ അ​ലോ​ട്ട്​​​മെ​ന്‍റ്​ ന​ൽ​കി​യ​ത്. കോ​ഴി​ക്കോ​ട്​ ജി​ല്ല​യി​ൽ 48,121 അ​പേ​ക്ഷ​ക​ർ​ക്ക്​ 31,151 മെ​റി​റ്റ്​ സീ​റ്റു​ക​ളാ​ണു​ള്ള​ത്. ഇ​തി​ലേ​ക്ക്​ 23,731 പേ​ർ​ക്കാ​ണ്​ ട്ര​യ​ൽ അ​ലോ​ട്ട്​​മെ​ന്‍റ്​ ല​ഭി​ച്ച​ത്.

സം​സ്ഥാ​ന​ത്താ​കെ 4,65,815 പേ​ർ അ​പേ​ക്ഷി​ച്ച​തി​ൽ 3,07,344 മെ​റി​റ്റ്​ സീ​റ്റു​ക​ളി​ലേ​ക്ക്​ 2,44,618 പേ​ർ​ക്കാ​ണ്​ ട്ര​യ​ൽ അ​ലോ​ട്ട്​​മെൻറ്​ ല​ഭി​ച്ച​ത്. അ​​പേ​ക്ഷ​ക​ർ​ക്ക് വെ​ള്ളി​യാ​ഴ്ച വൈ​കീ​ട്ട്​ അ​ഞ്ചു​വ​രെ അ​പേ​ക്ഷ​ക​ളി​ൽ തി​രു​ത്ത​ൽ വ​രു​ത്താ​നും ഓ​പ്​​ഷ​നു​ക​ൾ പു​നഃ​ക്ര​മീ​ക​രി​ക്കാ​നും കൂ​ട്ടി​ച്ചേ​ർ​ക്കാ​നും ഒ​ഴി​വാ​ക്കാ​നും അ​വ​സ​ര​മു​ണ്ട്. ജൂ​ൺ അ​ഞ്ചി​ന്​ ഒ​ന്നാം അ​ലോ​ട്ട്​​മെ​ന്‍റ്​ പ്ര​സി​ദ്ധീ​ക​രി​ക്കും.