മോഹൻലാലിന്‍റെ മകൾ വിസ്മയയുടെ പുസ്തകം 'ഗ്രെയിന്‍സ് ഓഫ് സ്റ്റാര്‍ഡസ്റ്റ്' വാലന്‍റൈന്‍ ദിനത്തില്‍ പുറത്തിറങ്ങുകയാണ്. പുസ്തകത്തിന്‍റെ പ്രീ-ബുക്കിംഗ് ആമസോണ്‍ നേരത്തേ ആരംഭിച്ചിരുന്നു. ഇപ്പോഴിതാ 'ഗ്രെയിന്‍സ് ഓഫ് സ്റ്റാര്‍ഡസ്റ്റ്' ആമസോണിന്‍റെ 'ബെസ്റ്റ് സെല്ലര്‍' വിഭാഗത്തില്‍ ഇടംപിടിച്ചിരിക്കുകയാണ്.
പുസ്തകം പ്രസിദ്ധീകരിക്കുന്നത് പെന്‍ഗ്വിന്‍ ബുക്സ് ആണ്. ഒരു അച്ഛന്‍ എന്ന നിലയില്‍ അഭിമാനം തോന്നുന്ന നിമിഷമെന്ന് മോഹന്‍ലാല്‍ വിസ്മയയുടെ പുസ്തകം പുറത്തിറങ്ങുന്നതിനെക്കുറിച്ച് എഴുതിയിരുന്നു.
പ്രീ-ബുക്കിംഗിനെ അടിസ്ഥാനമാക്കിയാണ് പുസ്തകം ബെസ്റ്റ് സെല്ലർ പട്ടികയിൽ ഇടം പിടിച്ചത്. ഇതിന്‍റെ സന്തോഷം മോഹന്‍ലാലും പ്രണവും സോഷ്യല്‍ മീഡിയയിലൂടെ പങ്കുവച്ചു.
"എന്‍റെ മകള്‍ വിസ്മയയുടെ പുസ്തകം ഇതിനകം ഒരു ബെസ്റ്റ് സെല്ലര്‍ ആയതില്‍ സന്തോഷം. നിങ്ങളുടെ സ്നേഹത്തിനും പിന്തുണയ്ക്കും നന്ദി. പുസ്തകം കൈയിലെത്തുമ്പോള്‍ അതിനെക്കുറിച്ചുള്ള ചിന്തകള്‍ പങ്കുവെക്കുക. നാളെ മുതല്‍ ഇന്ത്യയെമ്പാടുമുള്ള പുസ്തകശാലകളില്‍ പുസ്തകം ലഭിക്കും", മോഹന്‍ലാല്‍ കുറിച്ചു. താന്‍ പുസ്തകം വായിക്കുന്നതിന്‍റെ ചിത്രത്തിനൊപ്പമാണ് മോഹന്‍ലാലിന്‍റെ പോസ്റ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.