നോമ്പുതുറയിലെ ഇഷ്ടവിഭവമായി കേക്കും

ചെ​റു​വ​ത്തൂ​ർ: വി​ശു​ദ്ധ റ​മ​ദാ​ൻ നാ​ളി​ലെ നോ​മ്പു​തു​റ ച​ട​ങ്ങു​ക​ളി​ൽ കേ​ക്കും ഇ​ഷ്ട​വി​ഭ​വ​മാ​കു​ന്നു. നോ​മ്പു തു​റ​ക്കാ​ൻ ആ​വ​ശ്യ​മാ​യ വി​ഭ​വ​ങ്ങ​ൾ​ക്കൊ​പ്പം കേ​ക്കി​നും സ്ഥാ​നം ന​ൽ​കി​യ​ത് ച​ന്തേ​ര​യി​ലെ സി.​എം. ഖാ​ദി​റി​ന്റെ മ​ക​ളാ​യ ഹ​ന്ന​ത്താ​ണ്. ശ​രീ​ര​ത്തി​ന് ഗു​ണ​പ്ര​ദ​മാ​കു​ന്ന ജൈ​വ​ഘ​ട​ക​ങ്ങ​ൾ ഉ​പ​യോ​ഗി​ച്ചാ​ണ് ഹ​ന്ന​ത്തി​ന്റെ കേ​ക്ക് നി​ർ​മാ​ണം. രാ​സ​വ​സ്തു​ക്ക​ളി​ല്ലെ​ന്ന​തി​നാ​ൽ കേ​ക്കി​ന് ആ​വ​ശ്യ​ക്കാ​രും ഏ​റെ​യാ​ണ്.

വീ​ട്ടി​ൽ കു​ട്ടി​ക​ൾ​ക്ക് കേ​ക്കുണ്ടാ​ക്കി കൊ​ടു​ക്കു​ന്ന​ത് സ​ഹോ​ദ​രി​യാ​യ ലു​ബ്ന സമൂഹ മാ​ധ്യ​മ​ങ്ങ​ളി​ൽ പോ​സ്റ്റ് ചെ​യ്ത​തോ​ടെ​യാ​ണ് ആ​വ​ശ്യ​ക്കാ​ർ വ​ർ​ധി​ച്ച​ത്. ഭ​ർ​ത്താ​വ് പി.​സി. ശി​ഹാ​ബി​ന്റെ​യും വീ​ട്ടു​കാ​രു​ടെ​യും പ്രോ​ത്സാ​ഹ​നം കൂ​ടി​യാ​യ​പ്പോ​ൾ കേ​ക്ക് നി​ർ​മാ​ണം ഉ​പ​ജീ​വ​ന​ത്തി​ന് ഉ​ത​കു​ന്ന​താ​യി മാ​റി ഹ​ന്ന​ത്തി​ന്.

നാ​ല് വ​ർ​ഷ​ത്തി​നി​ടെ ആ​യി​ര​ത്തി​ന​ടു​ത്ത് വ്യ​ത്യ​സ്ത മാ​തൃ​ക​ക​ളു​ള്ള കേ​ക്കു​ക​ൾ നി​ർ​മി​ച്ചു. ഫോ​ണ്ട​ൻ​റ്, വൈ​പ്ഡ്ക്രീം, ബ​ട്ട​ർ ക്രീം, ​ചോ​ക്ലേ​റ്റ് എ​ന്നി​വ​യി​ലൊ​ക്കെ കേ​ക്കു​ക​ൾ നി​ർ​മി​ക്കു​ന്നു​ണ്ട്. സ്വ​ന്ത​മാ​യി ഡി​സൈ​ൻ ചെ​യ്താ​ണ് ഹ​ന്ന​ത്ത് കേ​ക്ക് നി​ർ​മി​ക്കു​ന്ന​ത്. കേ​ക്കി​ന് ഉ​പ​യോ​ഗി​ക്കു​ന്ന ഘ​ട​ക​ങ്ങ​ളെ​ല്ലാം ഗു​ണ​മേ​ന്മ​യു​ള്ള​താ​ക്കാ​ൻ പ്ര​ത്യ​കം ശ്ര​ദ്ധി​ക്കു​ന്നു​ണ്ട്.

ക​ലാ​കാ​രി​യും ഫാ​ഷ​ൻ ഡി​സൈ​ന​റും കൂ​ടി​യാ​ണ് ഹ​ന്ന​ത്ത്. ച​ട്ടി ബി​രി​യാ​ണി, ന്യൂ​ഡി​ൽ​സ്, ത​ന്തൂ​രി ചി​ക്ക​ൻ, കെ.​എ​ഫ്.​സി ചി​ക്ക​ൻ തു​ട​ങ്ങി റി​യ​ലി​സ്റ്റി​ക് ആ​യി​ട്ടു​ള്ള കേ​ക്കു​ക​ൾ​ക്കാ​ണ് അ​വ​ശ്യ​ക്കാ​ർ കൂ​ടു​ത​ൽ. 600രൂ​പ മു​ത​ൽ 1600 വ​രെ വി​ല​വ​രു​ന്ന മു​പ്പ​തോ​ളം വ്യ​ത്യ​സ്ത ഫ്ലേ​വ​റി​ലു​ള്ള കേ​ക്കു​ക​ൾ നി​ർ​മി​ക്കു​ന്നു​ണ്ട്. കൂ​ടെ ക​പ് കേ​ക്ക്, കേ​ക്ക്​ സി​ക്കി​ൽ​സ്, കേ​ക്ക് പോ​പ്സ്, ഡെ​സ​ർ​ട്ട് എ​ന്നി​വ​യെ​ല്ലാം ചെ​യ്യു​ന്നു​ണ്ട്. ഇ​ൻ​സ്റ്റ​ഗ്രാം പേ​ജി​ലൂ​ടെ​യാ​ണ് വി​ൽ​പ​ന.