കുവൈത്ത് സിറ്റി: ഗാന്ധി ജയന്തി ആഘോഷങ്ങളുടെ ഭാഗമായി ഗാന്ധി സ്മൃതി കുവൈത്ത് വിദ്യാർഥികൾക്കായി ക്വിസ് പ്രോഗ്രാം സംഘടിപ്പിച്ചു. മഹാത്മ ഗാന്ധിയുടെ ജീവിതത്തെ ആസ്പദമാക്കി നടന്ന ക്വിസിൽ കുവൈത്തിലെ വിവിധ സ്കൂളുകളിൽ പഠിക്കുന്ന വിദ്യാർഥികൾ പങ്കെടുത്തു.
ജെറിമി സിജോ മോനും ആൻഡ്രൂ വർഗീസും അടങ്ങിയ ലജൻഡ്സ് ടീം ഒന്നാം സ്ഥാനവും അഭിരാം സിസിൽ കൃഷ്ണയും ഡാനിയൽ തോമസ് അബ്രഹാമും അടങ്ങിയ ഹീറോസ് ടീം രണ്ടാം സ്ഥാനവും ക്രിസ് റയാൻ ഡിസൊസയും യഷിത ഭരത്വാജും അടങ്ങിയ ബ്രേവ് ഹേർട്സ് ടീം മൂന്നാം സ്ഥാനവും കരസ്ഥമാക്കി. മെട്രോ മെഡിക്കൽ ഗ്രൂപ് ഓഡിറ്റോറിയത്തിൽ നടന്ന ക്വിസിന് ജെയിംസ് മോഹൻ, ഷീബ പെയ്റ്റൻ, ജോബി തോമസ്, പോളി അഗസ്റ്റിൻ എന്നിവർ നേതൃത്വം നൽകി.
മെട്രോ മെഡിക്കൽ ഗ്രൂപ് ജനറൽ മാനേജർ ഫൈസൽ ഹംസ ഉദ്ഘാടനം ചെയ്തു. ഗാന്ധി സ്മൃതി പ്രസിഡന്റ് പ്രജോദ് ഉണ്ണി അധ്യക്ഷത വഹിച്ചു. ജനറൽ സെക്രട്ടറി മധു മാഹി സ്വാഗതവും ട്രഷറർ അഖിലേഷ് മാലൂർ നന്ദിയും പറഞ്ഞു. പങ്കെടുത്ത എല്ലാ വിദ്യാർഥികൾക്കും സർട്ടിഫിക്കറ്റും വിജയികൾക്ക് ട്രോഫിയും വിതരണം ചെയ്തു.
സ്വാതന്ത്ര്യ ദിനത്തോടനുബന്ധിച്ച് നടത്തിയ പ്രബന്ധ മത്സരത്തിലെ വിജയികൾക്കും സമ്മാനം വിതരണം ചെയ്തു. റെജി സെബാസ്റ്റ്യൻ, ലാക് ജോസ്, ഷിന്റോ ജോർജ്, പോളി അഗസ്റ്റിൻ, സന്തോഷ് തിടുമ്മൽ, ബിജു അലക്സാണ്ടർ, സുനീഷ് മാത്യു, റാഷിദ് അഹമ്മദ്, സോണി മാത്യു, വിനയൻ അഴീക്കോട്, രാജീവ് തോമസ്, അജിത് കുമാർ, ജോബി, കൃഷ്ണകുമാരി, ജാസ്മിൻ ചിത്രലേഖ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.