കുവൈത്ത് സിറ്റി: ഡോ. സ്തേഫാനോസ് മാർ തേവോദോസിയോസ് തിരുമേനിയുടെ ജന്മശതാബ്ദിയോടനുബന്ധിച്ച് കുവൈത്ത് ഓർത്തഡോക്സ് ദേവാലയങ്ങളെ പങ്കെടുപ്പിച്ച് സോണൽ പ്രസംഗ മത്സരം സംഘടിപ്പിച്ചു. നാഷനൽ ഇവാഞ്ചലിക്കൽ ദേവാലയം കെ.ടി.എം.എം.സി.സി ഹാളിൽ പരിപാടി സെന്റ് ഗ്രിഗോറിയോസ് മഹാ ഇടവക വികാരി ഫാ. ഡോ. ബിജു പാറയ്ക്കൽ ഉദ്ഘാടനം ചെയ്തു. ഇടവക ട്രസ്റ്റി സിബു അലക്സ് ചാക്കോ സ്വാഗതവും സെക്രട്ടറി ബിനു ബെന്ന്യാം നന്ദിയും പറഞ്ഞു.
മഹാ ഇടവക സഹവികാരി ഫാ. മാത്യൂ തോമസ്, ജെയിംസ് ജോർജ് എന്നിവർ പ്രസംഗിച്ചു. മത്സര ക്രമീകരണങ്ങൾക്ക് കൺവീനർ ജോജി പി.ജോൺ, ബ്ലസൻ സ്കറിയാ, ടോണി ജോസഫ് എന്നിവർ നേതൃത്വം നൽകി.
ജൂനിയർ വിഭാഗത്തിൽ ലയാ ബിനു ഒന്നാം സ്ഥാനവും എഡ്നാ ആൻ ബിജു രണ്ടാം സ്ഥാനവും കരസ്ഥമാക്കി. സീനിയർ വിഭാഗത്തിൽ റെബേക്കാ എലിസബത്ത് ജെയിംസ് ഒന്നാം സ്ഥാനവും അജോയ് ജേക്കബ് ജോർജ് രണ്ടാം സ്ഥാനവും കരസ്ഥമാക്കി. ഫാ.ഡോ. ബിജു പാറയ്ക്കൽ, ഫാ. മാത്യൂ തോമസ്, ജെയിംസ് ജോർജ് എന്നിവർ വിധികർത്താക്കളായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.