റി​യാ​ദി​ൽ ലോ​ക​ക​പ്പ്​ ഓ​ർ​മ​ക​ളു​മാ​യി ​ഖ​ത്ത​ർ

ദോ​ഹ: പ​ത്തു വ​ർ​ഷ​ത്തി​ന​പ്പു​റം വി​സി​ൽ മു​ഴ​ങ്ങു​ന്ന ലോ​ക​ക​പ്പി​ന്​ ത​യാ​റെ​ടു​ക്കു​ന്ന അ​യ​ൽ​ക്കാ​ർ​ക്ക്​ ത​ങ്ങ​ളു​ടെ ലോ​ക​ക​പ്പ്​ അ​നു​ഭ​വ​ങ്ങ​ൾ പ​ങ്കു​വെ​ച്ച്​ ഖ​ത്ത​ർ.

റി​യാ​ദ്​ അ​ന്താ​രാ​ഷ്​​ട്ര പു​സ്​​ത​ക​മേ​ള​യോ​ട​നു​ബ​ന്ധി​ച്ച് ന​ട​ന്ന സെ​മി​നാ​റി​ലാ​ണ്​ ഖ​ത്ത​ർ ലോ​ക​ക​പ്പ്​ സി.​ഇ.​ഒ നാ​സ​ർ അ​ൽ ഖാ​തി​ർ​ ലോ​ക​ക​പ്പി​ന്റെ അ​തി​ശ​യ​ക​ര​മാ​യ യാ​ത്ര​ക​ളെ കു​റി​ച്ച്​ പ​ങ്കു​വെ​ച്ച​ത്. ‘ഖ​ത്ത​ർ ലോ​ക​ക​പ്പ്​; അ​പൂ​ർ​വ​മാ​യൊ​രു അ​നു​ഭ​വം’ എ​ന്ന വി​ഷ​യ​ത്തി​ൽ ന​ട​ന്ന ച​ർ​ച്ച 2034 ലോ​ക​ക​പ്പി​നൊ​രു​ങ്ങു​ന്ന സൗ​ദി അ​റേ​ബ്യ​ക്ക്​ ഖ​ത്ത​ർ പ​ക​ർ​ന്നു ന​ൽ​കു​ന്ന പാ​ഠ​പു​സ്​​ത​ക​മാ​യും മാ​റും.

ലോ​ക​ക​പ്പി​ന്റെ ഉ​ദ്​​ഘാ​ട​ന ച​ട​ങ്ങ്​ ഏ​റെ സ​വി​ശേ​ഷ​ത​യു​ള്ള​താ​യി​രു​ന്നു​വെ​ന്ന്​ നാ​സ​ർ അ​ൽ ഖാ​തി​ർ പ​റ​ഞ്ഞു. ലോ​ക​മെ​ങ്ങു​മു​ള്ള ആ​രാ​ധ​ക​രെ അ​ൽ ബെ​യ്​​ത്​ സ്​​റ്റേ​ഡി​യ​ത്തി​ലൂ​ടെ ലോ​ക​ത്തെ ത​ന്നെ ഏ​റ്റ​വും വ​ലി​യ ടെ​ന്റി​ലേ​ക്ക്​ വ​ര​വേ​ൽ​ക്കു​ക​യാ​യി​രു​ന്നു​വെ​ന്ന്​ ചൂ​ണ്ടി​ക്കാ​ണി​ച്ചു.

ലോ​ക​ക​പ്പ്​ ഫു​ട്​​ബാ​ളി​ലെ ച​രി​ത്ര​ത്തി​ലെ ഏ​റ്റ​വും മി​ക​ച്ച കാ​യി​ക മാ​മാ​ങ്ക​മാ​റ്റാ​നു​ള്ള പ​രി​ശ്ര​മ​ങ്ങ​ളെ സൗ​ദി മാ​ധ്യ​മ പ്ര​വ​ർ​ത്ത​ക​നാ​യ അ​ബ്​​ദു​റ​ഹ്​​മാ​ൻ അ​ൽ ഹാ​മി​ദി​യു​മാ​യു​ള്ള സം​സാ​ര​ത്തി​ൽ നാ​സ​ർ അ​ൽ ഖാ​തി​ർ വി​ശ​ദീ​ക​രി​ച്ചു. ക​ളി​യെ ആ​സ്വാ​ദ്യ​ക​ര​മാ​ക്കാ​ൻ സാ​ധ്യ​മാ​യ​തെ​ല്ലാം ഒ​രു​ക്കു​ക​യാ​യി​രു​ന്നു സം​ഘാ​ട​ക​രെ​ന്ന നി​ല​യി​ൽ.

ആ​രാ​ധ​ക​ർ​ക്ക്​ എ​ല്ലാ​ത​ര​ത്തി​ലും പി​ന്തു​ണ ന​ൽ​കാ​ൻ ക​ഴി​ഞ്ഞു. ഭി​ന്ന​ശേ​ഷി​ക്കാ​രാ​യ കാ​ണി​ക​ൾ​ക്കു​വ​രെ ക​ളി ആ​സ്വ​ദി​ക്കാ​ൻ മി​ക​ച്ച അ​ടി​സ്ഥാ​ന സൗ​ക​ര്യ​മൊ​രു​ക്കി​യി​രു​ന്നു.

എ​ല്ലാ സ്​​റ്റേ​ഡി​യ​ങ്ങ​ളും അ​നു​ബ​ന്ധ സം​വി​ധാ​ന​ങ്ങ​ളും ഖ​ത്ത​രി, അ​റ​ബ്, ഇ​സ്​​ലാ​മി​ക പാ​ര​മ്പ​ര്യ​ങ്ങ​ളും സാം​സ്​​കാ​രി​ക ത​നി​മ​യു​​മാ​യി ഇ​ഴു​​കി​ചേ​ർ​ന്നു​ള്ള നി​ർ​മി​തി​ക​ളാ​യി​രു​ന്നു. അ​ൽ തു​മാ​മ സ്​​റ്റേ​ഡി​യം, അ​ൽ ജ​നൂ​ബ്​ സ്​​റ്റേ​ഡി​യം, അ​ൽ ബെ​യ്​​ത്​ എ​ന്നി​വ ഉ​ദാ​ഹ​ര​ണ​ങ്ങ​ളാ​ണ്​ -ഖ​ത്ത​ർ ലോ​ക​ക​പ്പി​ന്റെ പ്ര​ധാ​ന സം​ഘാ​ട​ക​ൻ കൂ​ടി​യാ​യ നാ​സ​ർ അ​ൽ ഖാ​തി​ർ പ​റ​ഞ്ഞു.

ലോ​ക ക​പ്പി​ലു​ട​നീ​ളം ഏ​റ്റ​വും സ്വാ​ധീ​നം ചെ​ലു​ത്തി​യ കാ​ണി​ക​ളാ​യ സൗ​ദി ഫു​ട്​​ബാ​ൾ ആ​രാ​ധ​ക​രു​ടെ സാ​ന്നി​ധ്യ​ത്തെ​യും അ​ദ്ദേ​ഹം അ​ഭി​ന​ന്ദി​ച്ചു.

ഏ​റ്റ​വും മി​ക​ച്ച കാ​ഴ്​​ച​​പ്പാ​ടോ​ടെ​യാ​യി​രു​ന്നു ലോ​ക​ക​പ്പി​ന്​ ഖ​ത്ത​ർ ഒ​രു​ങ്ങി​യ​ത്. ഘ​ട​ന മു​ത​ൽ പ്ര​വൃ​ത്തി​ക​ൾ വ​രെ സം​ബ​ന്ധി​ച്ച ആ​സൂ​ത്ര​ണം വ​രെ ഉ​ൾ​പ്പെ​ട്ടി​രു​ന്നു. ഓ​രോ നി​ർ​മാ​ണ​വും സാ​മ്പ​ത്തി​ക​വും പ​രി​സ്ഥി​തി​യും സാ​മൂ​ഹി​ക സു​സ്ഥി​ര​ത​യും ഉ​ൾ​ക്കൊ​ണ്ടു​കൊ​ണ്ടാ​യി​രു​ന്നു -നാ​സ​ർ അ​ൽ ഖാ​തി​ർ പ​റ​ഞ്ഞു. 2034ലെ ​ലോ​ക​ക​പ്പി​നാ​ണ്​ സൗ​ദി വേ​ദി​യൊ​രു​ക്കു​ന്ന​ത്.