ഭ​ക്ഷ്യ, പൊ​തു​ജ​നാ​രോ​ഗ്യ സ്ഥാ​പ​ന​ങ്ങ​ളി​ലെ തൊ​ഴി​ലാ​ളി​ക​ൾ​ക്ക്​ ആ​രോ​ഗ്യ വി​ദ്യാ​ഭ്യാ​സ പ​രി​ശീ​ല​ന​പ​രി​പാ​ടി

ജി​ദ്ദ: ഭ​ക്ഷ്യ, പൊ​തു​ജ​നാ​രോ​ഗ്യ സ്ഥാ​പ​ന​ങ്ങ​ളി​ലെ തൊ​ഴി​ലാ​ളി​ക​ൾ​ക്ക്​ ആ​രോ​ഗ്യ വി​ദ്യാ​ഭ്യാ​സ പ​രി​പാ​ടി ന​ട​പ്പി​ലാ​ക്കാ​ൻ തീ​രു​മാ​നം. മു​നി​സി​പ്പ​ൽ ഗ്രാ​മ​കാ​ര്യ, ഭ​വ​ന മ​ന്ത്രി മാ​ജി​ദ്​ ബി​ൻ അ​ബ്​​ദു​ല്ല അ​ൽ​ഹു​ഖൈ​ൽ ആ​ണ്​ ഇ​തു​സം​ബ​ന്ധി​ച്ച തീ​രു​മാ​നം പു​റ​പ്പെ​ടു​വി​ച്ചി​രി​ക്കു​ന്ന​ത്. രാ​ജ്യ​ത്തെ വി​വി​ധ മേ​ഖ​ല​ക​ളി​ലൊ​രു​ക്കു​ന്ന പ​രീ​ക്ഷാ​​കേ​ന്ദ്ര​ങ്ങ​ളി​ൽ വെ​ച്ചാ​യി​രി​ക്കും ഇ​തി​നു​ള്ള പ​രീ​ക്ഷ ന​ട​ത്തു​ക. തൊ​ഴി​ലാ​ളി​ക​ൾ​ക്ക്​ ആ​രോ​ഗ്യ സ​ർ​ട്ടി​ഫി​ക്ക​റ്റ്​ ന​ൽ​കു​ന്ന സം​വി​ധാ​ന​വു​മാ​യി പ​രീ​ക്ഷ​യെ ബ​ന്ധി​പ്പി​ക്കും.

തൊ​ഴി​ലാ​ളി​ക​ൾ​ക്കി​ട​യി​ൽ ആ​രോ​ഗ്യ അ​വ​ബോ​ധം വ​ള​ർ​ത്തു​ന്ന​തി​നും സ്വ​യം നി​രീ​ക്ഷ​ണ​രീ​തി പി​ന്തു​ട​രു​ന്ന​തി​നും തെ​റ്റാ​യ ആ​രോ​ഗ്യ​രീ​തി​ക​ൾ ഒ​ഴി​വാ​ക്കു​ന്ന​തി​നു​മാ​ണ്. ​തൊ​ഴി​ലാ​ളി​ക​ളു​ടെ രാ​ജ്യ​ങ്ങ​ൾ​ക്ക​നു​സ​രി​ച്ച്​ വി​വി​ധ ഭാ​ഷ​ക​ളി​ൽ പ​രി​ശീ​ല​ന​പ​രി​പാ​ടി ഉ​ണ്ടാ​കും. പ​രീ​ക്ഷാ​ന​ട​ത്തി​പ്പ്​ കേ​ന്ദ്ര​ങ്ങ​ൾ​ക്ക്​​ മേ​ൽ​നോ​ട്ടം വ​ഹി​ക്കു​ന്ന​തി​നും സേ​വ​ന​മാ​രം​ഭി​ക്കു​ന്ന​തി​നും അ​ത​ത്​ മേ​ഖ​ല​ക​ളി​ലെ മു​നി​സി​പ്പാ​ലി​റ്റി​ക​ളെ മ​ന്ത്രാ​ല​യം ചു​മ​ത​ല​പ്പെ​ടു​ത്തി​യി​ട്ടു​ണ്ട്. ഒാ​രോ മേ​ഖ​ല​ക​ളി​ലെ​യും തൊ​ഴി​ലാ​ളി​ക​ൾ​ക്ക്​ ആ​രോ​ഗ്യ സ​ർ​ട്ടി​ഫി​ക്ക​റ്റ്​​ ന​ൽ​കു​ന്ന സം​വി​ധാ​ന​വു​മാ​യി ആ​രോ​ഗ്യ വി​ദ്യാ​ഭ്യാ​സ പ​രി​ശീ​ല​ന പ​രി​പാ​ടി​യെ ബ​ന്ധി​പ്പി​ക്കും.

പൊ​തു​ജ​നാ​രോ​ഗ്യം സം​ര​ക്ഷി​ക്കു​ക, ഭ​ക്ഷ്യ​സു​ര​ക്ഷ മെ​ച്ച​പ്പെ​ടു​ത്തു​ക, ഭ​ക്ഷ്യ​വി​ഷ​ബാ​ധ കു​റ​ക്കു​ക തു​ട​ങ്ങി​യ​വ​യാ​ണ്​ പു​തി​യ ആ​രോ​ഗ്യ വി​ദ്യാ​ഭ്യാ​സ പ​രി​ശീ​ല​ന, ബോ​ധ​വ​ത്​​ക​ര​ണ പ​രി​പാ​ടി​യി​ലൂ​ടെ മ​ന്ത്രാ​ല​യം ല​ക്ഷ്യ​മി​ടു​ന്ന​ത്. പ​രീ​ക്ഷ​ന​ട​ത്തി​പ്പ്​ കേ​ന്ദ്ര​ങ്ങ​ൾ​ക്ക്​ മേ​ൽ​നോ​ട്ടം​വ​ഹി​ക്കു​ക മു​നി​സി​പ്പാ​ലി​റ്റി​ക​ളാ​യി​രി​ക്കും. പ​ദ്ധ​തി​യി​ൽ പ​ങ്കാ​ളി​യാ​കു​ന്ന സ്വ​കാ​ര്യ പ​രി​ശീ​ല​ന​കേ​ന്ദ്ര​ങ്ങ​ളു​ടെ മേ​ൽ​നോ​ട്ടം തൊ​ഴി​ൽ, സാ​േ​ങ്ക​തി​ക പ​രി​ശീ​ല​ന കോ​ർ​പ​റേ​ഷ​നാ​യി​രി​ക്കും.